Friday , June 2 2023

Xian ‘di pa handang mag-asawa—Spiritually, I need a proper mindset for it

AYON kay Xian Lim, hindi naging madali para sa kanya ang paghahanda para sa kauna-unahan niyang teleserye sa GMA 7, ang False Positive, na gumaganap siya bilang isang lalaking nabuntis dahil sa isang sumpa.

Ayon kay Xian, inatake siya nang matinding nerbiyos noong unang sumalang sa lock-in taping dahil ayaw niyang magkamali at mapahiya sa buong produksyon.

Sabi ni Xian, “To the point na stressed na stressed na ako dahil I don’t wanna let anyone down. But I’m so grateful sa network, sa GMA Network, sa buong Kapuso family that I don’t wanna let them down.

“And I remember gumigising talaga ako nang maaga para lang magtanong, para lang hindi… para lang I don’t wanna cause any delays, I don’t wanna cause any aberya, kumbaga.

“There is that pressure, definitely. Pero tinanggap ko na, na mahirap at gagawin ko lang at gagawin ko ang best ko hangga’t sa ma-good take ni direk Irene (Villamor),” anang binata.

Kuwento ng aktor, may ilang foreign movies siyang pinanood tungkol sa mga lalaking nabubuntis.

“I was watching, pinanood ko ‘yung katulad ng film ni Arnold Schwarzenegger (‘Junior,’ na ipinalabas noong 1994).

“Maraming ibinigay na films si direk para pag-aralan ko, like a peg or a benchmark for the character. Marami.

“And I was looking through videos on YouTube about pregnancy and ‘yung mga sintomas ng mga pregnant women. So, yes, marami ring research na ginawa,” aniya pa.

Hindi naman nagdalawang-isip ang aktor nang tanggapin niya ang False Positive.

“Unang tawag pa lang po nila, it’s a yes kaagad,” sambit niya.

Samantala, nang tanungin naman si Xian kung sa totoong buhay ba ay handa na siyang maging tatay, ang sagot niya,“Honestly hindi pa po ako ready. Because spiritually, I think I need a proper mindset for it.”

Ayun, kaya naman pala kahit nasa right age na sina Xian at Kim Chiu para magpakasal ay hindi pa handa ang aktor.

About Rommel Placente

Check Also

Tito Sotto, Vic Sotto, Joey de Leon, TVJ

TVJ sa TV5 na mapapanood 

SHOWBIZ KONEKni Maricris Valdez Nicasio KASADO na ang  paglipat ng iconic show nina Tito, Vic, at Joey sa TV5. At ang …

P900-M smuggled goods nakompiska sa Bulacan

P900-M smuggled goods nakompiska sa Bulacan

NAKUMPISKA ng magkasanib na mga operatiba na pinangunahan ng Bureau of Customs ang mga pinaghihinalaang …

arrest, posas, fingerprints

2 estapador tiklo sa oplan pagtugis ng CIDG

Dalawang indibiduwal na sangkot sa paglabag sa BP 22 ang naaresto sa Oplan Pagtugis na …

Cellphone sumabog, rider kritikal

Cellphone sumabog, rider kritikal

Nasa kritikal na kundisyon ngayon ang isang delivery rider sa San Jose Del Monte City, …

ABS-CBN Kapamilya Online Live

3 Primetime shows ng ABS-CBN winasak viewership record sa KOL

NAGTALA ng panibagong all-time high online viewership record ang tatlong primetime shows ng ABS-CBN sa loob lamang …