Friday , May 27 2022
PNP Prison

6 Caloocan police sa robbery tumangging makaboto

TUMANGGI ang anim na pulis ng Caloocan City na isinailalim sa restrictive custody dahil sa pagkakasangkot sa insidente ng robbery noong 27 Marso 2022 na gamitin ang kanilang karapatang bumoto noong Lunes.

Ang anim na pulis, kinilalang sina Noel Sison, Rommel Toribio, Ryan Sammy Mateo, Jake Rosima, Mark Christian Cabanilla, at Daryl Sablay, pawang may mga ranggong police corporal ay lumagda sa blotter na nagsasaad ng kanilang kawalan ng interes na gamitin ang kanilang karapatan sa pagboto sa kabila ng pagsisikap na ginawa ng mga tauhan ng District Special Operation Unit (DSOU) ng Northern Police District (NPD) na tulungan sila.

Ikinatuwiran ng mga pulis, ang polling precinct kung saan kailangan nilang bumoto ay malapit lamang sa lugar kung saan nakatira ang nagrereklamo at ang kanyang mga kamag-anak.

Ang mga sangkot na pulis na dinisarmahan ng kanilang service firearm ay kasalukuyang nasa ilalim ng mahigpit na kustodiya ng DSOU sa pamumuno ni P/Lt. Col. Jay Dimaandal kasunod ng administratibong reklamo para sa grave misconduct na inihain laban sa kanila ng Philippine National Police (PNP) sa pamamagitan ng Internal Affairs Service nito.

Sa ngayon, walang kasong kriminal ang isinampa laban sa anim na pulis matapos magpakita ng kawalan ng interes ng kanilang biktima, isang 39-anyos sidewalk vendor na kinilalang si Eddie Yuson.

Gayonman, lumabas sa isang CCTV footage na nag-viral, ang biktima ay sinaktan at hinalughog ang mga personal na gamit ng mga pulis na pawang nakatalaga sa Caloocan Police Station Drug Enforcement Unit (SDEU) saka kinuha umano ang kanyang pera na nagkakahalaga ng P14,000 na ibinigay sa kanya ng Department of Social Welfare and Development (DSWD) sa tulong ni Caloocan Rep. Dale “Along” Malapitan.

Ang relieve order laban sa anim na pulis ay nagmula sa hierarchy ng PNP upang magkaroon ng patas na imbestigasyon. (ROMMEL SALES)

About Rommel Sales

Check Also

Angat Dam

Antas ng tubig sa Angat Dam posibleng tumaas pa

Inihayag ng National Water Resources Board (NWRB) na posibleng tumaas ang antas ng tubig sa …

Sa Cabanatuan, Nueva Ecija
KILABOT NA KAWATAN, SWAK SA SELDA

Sa pagpapatuloy ng kampanya laban sa mga kriminal na pinaghahanap ng batas, nadakip ng mga …

“Sambigkis Laban sa Kriminilidad” inilunsad sa Laguna

“Sambigkis Laban sa Kriminilidad” inilunsad sa Laguna

Pomal na inilunsad nitong Martes nga hapon, 24 Mayo, ang Sambigkis Advocacy Support Group kasabay …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

7 illegal E-sabong, naipasara na — DILG

Naipasara na ang pitong e-sabong websites na ilegal na nag-o-operate, matapos ipag-utos ni Department of …