Friday , May 27 2022
road accident

4 White Plains joggers inararo ng Honda sa QC

SUGATAN at nagkapasa-pasa ang apat na joggers nang ararohin ng Honda SUV sa White Plains Avenue sa Quezon City, nitong Linggo ng umaga.

Ang mga biktima ay kinilalang sina Baluyao Lobado Angela, 35 anyos, call center agent, residente sa Arayat St., Mandaluyong City; Ong Lee Michael, 47, optometrist, ng L. Parada St., Mandaluyong City; Blancia Puyong Edelyn, 36, overseas Filipino worker (OFW), residente sa Calderon St., Brgy., Addition Hills, Mandaluyong City, at Dealagdon Ocelia Alfredo, jobless, naninirahan sa Banana St., Brgy. Addition Hills, Mandaluyong City.

Kinilala ang suspek na si Patrick Anthony Ang, 24 anyos estudyante, naninirahan sa Swallow Drive, Green Meadows Subdivision, Brgy., Ugong Norte, Quezon City.

Sa report ng Quezon City Police District (QCPD) Traffic Sector 3, bandang 5:15 am, 8 Mayo, nang maganap ang insidente sa kahabaan ng White Plains Ave., Eastbound lagpas ng Camp Aguinaldo Gate 5, Barangay Ugong Norte, Quezon City.

Sa imbestigasyon ni P/SMSgt. Jose Soriano ng Traffic Sector 3, nagda-jogging ang mga biktima sa White Plains Avenue patungong Temple Drive East, habang ang suspek na sakay ng Honda Mobilio, may plakang NCZ-1982 ay galing sa EDSA papuntang Green Meadows Gate 1.

Pagsapit sa Brgy. Ugong Norte, biglang nasalpok ng minamanehong sasakyan ng suspek ang mga joggers na tumilapon sa bangketa.

Agad isinugod ang mga biktima sa Quirino Memorial Medical Hospital at Saint Luke’s Hospital na pawang nagkapasa-pasa at sugat-sugat sa iba’t ibang bahagi ng katawan.

Nakapiit ang suspek habang inihahanda ang kasong reckless imprudence resulting to multiple physical injuries with damage to property. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …