NAPASLANG ang isang hinihinalang drug pusher nang mauwi sa enkuwentro ang ikinasang buy bust operation ng mga awtoridad sa bayan ng Luisiana, lalawigan ng Laguna, nitong Huwebes, 5 Mayo.
Pinangunahan ang operasyon ni P/CMSgt. Lorenzo Colinares, na nagresulta sa pagkamatay ng suspek na kinilalang si Michael Asis, huli sa aktong nagbebenta ng hinihinalang shabu sa isang undercover agent dakong 3:00 pm sa Brgy. San Jose, sa nabanggit na bayan, kamakalawa.
Nagawang maisugod si Asis sa Luisiana District Hospital ngunit idineklarang dead on arrival.
Ayon sa ulat, nagkaroon ng mga pasa at sugat sa kanan at kaliwang tuhod ang police poseur buyer dahil sa insidente.
Nakuha ng mga awtoridad ang isang kalibre .45 pistola, tatlong magasin, at mga bala, at hinihinalang shabu na may timbang na 25 gramo.
