Friday , May 27 2022
Mocha Uson Jejomar Binay

Ex-VP Binay hinamon sa live interview para patunayang hindi nakakaranas ng dementia

HINAMON ni dating Overseas Workers Welfare Administration (OWWA) Deputy Administrator Mocha Uson si senatorial candidate Jejomar Binay na magsagawa ng live interview upang ipakita sa publiko na malusog siya at hindi nakakaranas ng dementia o memory loss.

Ang hamon ay ginawa ni Uson kasabay ng pagmamaliit sa ipinalabas na pre-recorded video ng kampo ni Binay para kontrahin ang inihain niyang manifestation sa Commission on Elections (Comelec) na humihiling na suriin ang mental capability ni Binay.

Hanggang sa ngayon ay hindi pa rin nagsasalita si Binay ukol sa isyu at tanging ang kanyang tagapagsalita na si Joey Salgado ang nagbibigay ng pahayag.      

Sinabi ni Uson, madaling gawin ang isang Facebook live kung totoong hindi pa nakakaranas ng memory gap si Binay sa edad 79-anyos.

“Hindi na siya nakikita, wala siyang dinalohan na campaign rallies sa loob ng dalawang buwang campaign period tapos ang magsasalita pa sa kanya ay ang kanyang spokesperson, hindi po ba dapat na si Ex VP Binay ang magsalita rito at patotohanan na siya ay healthy, ‘yun lang naman ang gusto natin, na maayos ang kanyang kalusugan,” paliwanag ni Uson sa isang panayam sa Cebu City.

Nanindigan si Uson na reliable ang mga nagbigay sa kanya ng impormayon ukol sa tunay na kalagayan ni Binay, aniya, nagpasaklolo siya sa Comelec dahil hindi pa huli ang lahat para maliwanagan ang mga botante.

“Sana ay magpakatotoo na lang sila, huwag nilang onsehin ang taongbayan sa pamamagitan ng pagtatago sa tunay na estado ni Ex-VP Binay,” dagdag ni Uson.

Ani Uson, bilang mambabatas, kailangang sharp pa rin ang isipan lalo at maraming debate sa Senado at kung hindi ito magagampanan ni Binay sakaling ma-elect bilang senador sa darating na eleksiyon ay isa itong grave injustice sa taongbayan.

Ang dementia ay isang physical change na nangyayari sa utak ng isang tao, isa itong progressive disease na maaaring sa una ay mild lamang na hindi mapapansin, unang sintomas nito ay pagiging makakalimutin at pagkalito na tumatagal ng 2 taon at pagkaraan ay maaaring lumala.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …