Saturday , May 28 2022
Philippine Drug Enforcement Agency PDEA

24.7K barangays drug-cleared na — PDEA

SIMULA nang ideklara ang gera laban sa droga ng administrasyong Duterte, mayroon ng 24,000 barangay sa buong bansa ang nalinis o naideklara nang cleared mula sa ilegal na droga.

Base sa pinakahuling real numbers data na inilabas ng Philippine Drug Enforcement Agency (PDEA) nitong Sabado, hanggang nitong Marso 2022, nasa 24,766 mula sa kabuuang 42,045 barangays ang naideklara nang drug-cleared habang 6,575 barangays ang drug unaffected/drug-free barangays at 10,704 ang hindi pa nalilinis mula sa illegal drugs.

Nabatid, ang mga naturang barangay ay nakaabot sa drug-cleared status matapos maisyuhan ng sertipikasyon ng mga miyembro ng oversight committee on barangay drug-clearing program.

Tiniyak ng ahensiya, ang kalusugan at kaligtasan ng kanilang mga ahente ang kanilang prayoridad sa kanilang mga anti-drug operations.

Anang PDEA, nakakompiska sila ng kabuuang P88.83 bilyong halaga ng narcotics sa buong bansa.

Kabilang sa mga nakompiska ay 11,788.83 kilo ng shabu, 10,157.27 kilo ng marijuana, 163.295 piraso ng ecstasy, 530.24 kilo ng cocaine, habang nabuwag ang kabuuang 1,111 drug dens, at 19 clandestine shabu laboratories mula Hulyo 2016 hangang Marso 2022.

Nasa kabuuang 14,888 high-value targets ang naaresto sa buong bansa kabilang ang 6,632 HVTs na naaresto mula sa mga high impact operations, 4,030 target-listed suspects, 1,619 drug den maintainers, 797 drug group leaders/members, 522 government employees, 400 elected officials, 360 foreigners, 295 kabilang sa wanted lists, 126 uniformed personnel, 78 armed group members, at 24 prominent personalities.

Nakaaresto rin ng 336,796 indibidwal na sangkot sa illegal drugs sa nasabing panahon.

Iniulat ng PDEA sa kanilang consolidated report, lumilitaw na 6,241 drug suspects ang napatay sa 233,356 anti-illegal drug operations na naisagawa sa buong bansa.

Mula Hulyo 2016 hanggang Marso 2022, nakaaresto ng 4,307 menor de edad, kabilang dito ang 2,532 pushers; 987 possessors; 522 users; 234 visitors ng drug den; siyam na drug den maintainers; 17 drug den employees, tatlong cultivators, isang clandestine  lab employee, at dalawang runners. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …