Friday , July 18 2025
Jolina Magdangal

Jolina suportado ang masipag na lider na si Leni Robredo

SHOWBIZ KONEK
ni Maricris Valdez Nicasio


MALAKI ang paniwala ni Jolina Magdangal na kaya ni Vice President Leni Robredo na bigyan ng magandang buhay at maraming oportunidad ang mga Filipino kapag  nahalal ito bilang pangulo.

Sa isang video nagpahayag ang singer/aktres ng  suporta sa kandidatura ni VP Leni bilang pangulo, ibinahagi ni Jolina na kinailangan niyang magtrabaho sa murang edad para mabigyan ng magandang buhay ang kanyang pamilya. 

“‘Yung sa’kin? What a journey. All my life ko hong pinangarap at pinaghirapan ‘yun. Eight years old pa lang ako, nagtatrabaho na po ako. Lahat tayo gusto ng ginhawa. Hindi kailangang marangya ha!” wika ng aktres.

“Relate kayo? At dahil alam ko ang pakiramdam ng kumayod kahit sa napakamurang edad, mahalaga sa akin ang magdesisyon nang tama, kasama na ang pagkilatis ng mga kumakandidato tuwing eleksiyon,” dagdag pa niya.

Ikinalungkot din ni Jolina ang kawalan ng trabaho at iba pang ikabubuhay para sa mga Filipino sa nakalipas na taon.
 
“Kung kaming mga artista eh nahirapan pa nitong nakaraang mga taon, ano pa kaya iyong mga kapwa natin Filipino na mas maliliit at kapos sa oportunidad?” giit pa ni Jolens.

Ngunit umaasa si Jolina na magiging maayos ang lahat kapag pinili ng mga Filipino ang masipag na lider gaya ni VP Leni sa halalan sa Mayo.

“Pwede nating baguhin ang lahat ng ito kung pipiliin natin ang tamang tao. At dahil alam ko ang kahalagahan ng maayos at ligtas na trabaho, roon ako sa marunong magtrabaho, at nakita natin na nagtatrabaho!” 
sambit pa ni Jolina.

“‘Yung naranasan na makisalamuha sa masa, ‘yung kagaya nating nagbabanat ng buto, at kayang magtrabaho ng 18 hours per day,” dagdag pa niya.

Sa pangunguna ni Leni, nakatitiyak ang mga Filipino na magsisilbi siya at babantayan ang kanilang kapakanan, ayon kay Jolina.

“Dahil ang kailangan natin ngayon ay Pangulo na nakikita tayo, kasama na rito ang mga pangarap at paghihirap nating mga Filipino,” wika pa niya.

Sinabi pa ni Jolina na si VP Leni ay mayroong kongkretong plano at programa para sa mga manggagawa na kailangang magtrabaho araw-araw para matugunan ang kanilang mga pangangailangan.

“Ang presidente ko, may resibo, may plataporma, at may kongkretong solusyon para sa ating mga kumakayod sa araw-araw,”
 aniya pa.

“Wala nang iba pang karapat-dapat na katuwang natin para magkaroon ng buhay na maganda! Si Leni Robredo ‘yan!” pagtatapos ni Jolina.

Krystall Herbal Products and FGO Branches

About Maricris Valdez Nicasio

Check Also

Camille Prats

Camille acting iiwan focus muna sa mga anak

MA at PAni Rommel Placente NAGPAALAM na ang karakter ni Camille Prats bilang si Olive Caparas sa afternoon …

Ogie Diaz Zanjoe Marudo How To Get Away From My Toxic Family

Ogie Diaz may payo, paano nga ba makawala sa toxic family?

RATED Rni Rommel Gonzales TINANONG namin si Ogie Diaz kung ano ang maipapayo niya tungkol sa toxicity …

Sharon Cuneta scented candles

Sharon may bagong negosyo

MATABILni John Fontanilla PINAGKAKAABALAHAN ngayon ni Sharon Cuneta ang paggawa ng scented candles at  gusto nitong gawing negosyo. …

BlueWater Day Spa 5

Teejay Marquez at Choi Bo Min, sinabi mga gustong maka-bonding sa BlueWater Day Spa

ALAM MO NA!ni Nonie Nicasio SINA Teejay Marquez at Korean actor na Choi Bo Min ang …

Dina Bonnevie House of D

Dina nagtampo sa Diyos

RATED Rni Rommel Gonzales KINAMUSTA namin si Dina Bonnevie makalipas ang anim na buwan mula nang pumanaw …