Monday , September 25 2023
Maricel Soriano Leni Robredo

Maricel umatend ng rally para kay VP Leni 

MA at PA
ni Rommel Placente

NOONG Sabado, April 23, ay dumalo si Maricel Soriano sa campaign rally nina Vice President Leni Robredo at Senator Kiko Pangilinan sa Diokno Boulevard, Pasay City. Ito rin ang araw ng kaarawan ni VP Leni.

Si Sharon Cuneta ang nagpakilala kay Maricel bago ito umakyat sa stage, at mahigpit ang yakap sa isa’t isa ng dating magkaribal sa popularity noong 80s nang magkita at mag-beso-beso.

Ang pagpapakilala ni Sharon kay Maricel: “Iilan lamang po ang tunay na reyna sa pelikula. Ito na po ang ating kaibigan. Kung ang tawag po sa akin ay Mega, ito naman ang aking at ating Diamond Star, Ms. Maricel Soriano!!”

Sa kanyang speech. Hinaluan ito ni Maricel ng mga linya niya mula sa kanyang dating pelikulang Kaya Kong Abutin Ang Lagit at Minsan Lang Kitang Iibigin.

Sabi ni Maricel, “Bilang babae at magulang, kaunti lang po ang pangarap ko para sa aking mga anak na alam kong pangarap niyo rin.

“‘Yung makapagtapos ng pag-aaral, mabuting trabaho, pagkain araw-araw… may huhugutin tuwing ora de peligro.

“In short, ‘yung umangat naman ang buhay dahil ayoko nang tinatapakan ako! Ayoko nang masikip! Ayoko nang mabaho! Ayaw natin ng walang pagkain! Ayaw natin ng putik!

“Ang gusto ko, liwanag sa dilim! ‘Yun ang gusto ko kaya huwag niyo akong ma-Terry Terry dahil ang gusto ko, Leni! Leni! Leni! Laban! Laban! Laban! Leni! Leni! Leni!”

Ipinagtaka naman ng mga fan at supporters ni Sharon ang hindi pagbanggit ni Maricel kay KikoPangilinan, na ka-tandem ni VP Leni. Kaya naman may ilan sa mga ito ang bi-nash ang Diamond Star.

Pero siyempre, ipinagtanggol naman si Maricel ng kanyang mga fan. Sabi ng mga ito, huwag nang gawan ng isyu ang nangyari dahil sa kanilang paniniwalang maiksi ang oras na ibinigay para sa mga celebrity campaigner kaya nakasentro lamang kay VP Leni at sa kaarawan nito ang endorsement ng mga artista.

Tama nga naman. At kaya lang naman din nandoon si Maricel ay para kay VP Leni. Nawala lang sa isip niya na iendoso si Sen.Kiko.

Huwag na sanang intrigahin si Maricel ng mga Sharonian.

About Rommel Placente

Check Also

Jak Roberto

Jak muntik magoyo ng isang kaibigan sa negosyo

RATED Rni Rommel Gonzales Ang The Missing Husband ay kuwento tungkol sa mga biktima ng money scam …

Donita Nose Super Tekla

Donita Nose kering makipaglaplapan kay Tekla

MATABILni John Fontanilla HANDANG makipaglaplapan kay Tekla ang singer & comedian na si Donita Nose if ever na mabibigyan …

Blind Item, Matinee Idol, Mystery Man

Pagsikat ni Male star naunsyami (nagmadali, nalinya pa sa mga gay role)

ni Ed de Leon NANIWALA si Male Star na maaari siyang sumikat sa K-Pop  na uso naman …

Trina Candaza Carlo Aquino Mithi

Problema nina Carlo at Trina ‘di dapat maipasa kay Mithi

HATAWANni Ed de Leon MABILIS ang reaksiyon ni Trina Candaza nang magharap ng kaso sa korte si Carlo …

Liza Soberano

Hope Soberano from Hollywood to Korean career (makalusot naman kaya?)

HATAWANni Ed de Leon NATAWA naman kami roon sa balitang ngayon  ay pinag-aaralan na ni Hope Soberano ang …