HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
TEAM Ping Lacson-Tito Sotto pala ang sinusuportahan ni Kier Legaspi. Ibinando niya ito sa kanyang Instagram account nang ipost ang mga picture nang pagsama niya sa mga rally ng Ping-Tito tandem.
Caption nga niya sa mga picture niya, “Suportado ko ang mga totoo!” na ang ibig sabihin niya’y sina Ping at Tito lamang ang totoong kandidato para sa pagka-presidente at bise presidente sa kanya sa Mayo 9.
Kaya bukod kina Vic Sotto, Joey de Leon, Allan K, Pauleen Luna, Jose Manalo, Wally Bayola, Marissa Sanchez, Ciara Sotto, Iwa Moto, at marami pang iba, makikita rin na sumasama sa kampanya ang nakababatang kapatid ni Zoren Legaspi.
Panay din ang post ni Kier ng mga photo ng mga nakakasama niya sa rally tulad nina Iwa, Ciara.
Iginiit ding sinabi ni Kier na, “So proud to support the two most qualified candidates for this coming election. #5Lacson #9Sotto #votewisely.”
