Friday , May 27 2022
Atty. Mico Clavano Bisaya Gyud Partylist

Bisaya Gyud Partylist nagpadala ng pagbati sa mga bagong abogado

RATED R
ni Rommel Gonzales

BINATI ng mga nominee ng Bisaya Gyud (BG) Partylist 108 ang mga bagong Bisayang abogado sa bansa. 

Ibinahagi ni First Nominee Alelee Aguilar-Andanar ng Bisaya Gyud (BG) Partylist 108 ang mataas niyang papuri at paghanga sa mga bagong abogadong pumasa sa ginanap na Bar Exams kamakailan sa kanilang determinasyon, tiyaga at sipag, na ang mga bagong abogadong ito ay tiyak na ipagtatangol ang karapatan ng mga nasa laylayan at mga naaapi sa komunidad.

Ani Alelee, “Hindi madali ang mga pinagdaanan niyo pero nagawa niyong lampasan ang mga hamon dahil sa inyong sakripisyo at sipag sa pag-aaral. Natutuwa ako na madaragdagan na naman ang mga tagapagtanggol ng batas at sa mga dehado sa ating lipunan.

“Umaasa ako na sa inyong paglalayag sa larangan ng abogasiya ay uunahin ang kapakanan ng ating mga kapwa Bisaya na inaapi, nilalamangan, at kulang sa kakayahan para ipagtanggol ang sarili.

“Sana ay magpatuloy kayo sa pagpapakita ng husay, integridad, at katapatan sa tungkulin upang magsilbing inspirasyon sa mga Bisaya at sa sambayanang Filipino.”

Napgpahatid din ng pagbati ang Second Nominee na si Atty. Mico Clavano sa kanyang mga kapwa abogado.

“Inaasahan kong kayo ang magsisilbing gabay at bantay sa ating lipunan, at isusulong ang kapakanan ng mga nangangailangan.

“Looking forward to working with you as partners in our pursuit to serve the Filipino people, especially the Bisaya Gyud,” ani Atty. Mico.

Ayon sa Korte Suprema, may kabuuang 8,241 examinees mula sa 11,402 ang pumasa sa 2020.2021 Bar Examinations.

Ang naturang batch na may passing rate na 72.28% ay halos lampasan ang all-time high passing rate sa kasaysayan na 75.17% noong1954 Bar. 

Ayon pa rin sa Supreme Court, ang mga eskuwelahan na may pinakamataas na exemplary passers ay ang University of the Philippines, Ateneo de Manila University, San Beda University, University of San Carlos, at Arellano University.

About Rommel Gonzales

Check Also

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …