Thursday , May 26 2022

Ayon sa retiradong military general
‘KOALISYON’ NI VP LENI SA CPP-NPA, NAKATATAWA

042622 Hataw Frontpage

(ni ROSE NOVENARIO)

NAKATATAWA ang pag-uugnay kay Vice President at presidential bet Leni Robredo sa Communist Party of the Philippines – New People’s Army (CPP-NPA) dahil ginagawa ito para madiskaril ang abot-kamay nang tagumpay niya sa eleksiyon, ayon sa isang military general.

“It’s a very funny thing,” ayon kay retired Armed Forces of the Philippines (AFP) general Domingo Tutaan, Jr., sa programang Sa Totoo Lang sa One Ph kagabi hinggil sa red-tagging kay Robredo at umano’y koneksiyon niya kay CPP founding chairman Jose Ma. Sison. 

Giit ni Tutaan, isa sa mga retiradong opisyal ng military na tagasuporta ni VP Leni,  dapat paniwalaan ang komitment ni VP Leni na wala siyang balak magkaroon ng koalisyon sa alinmang grupong gumagamit ng karahasan para isulong ang paniniwala.

“Nagsabi mismo si VP Leni na walang katotohanan itong sinasabi nilang may kaugnayan siya sa kaliwa o sa CPP-NPA-NDF, nagsabi na rin siya na wala siyang balak magkaroon ng koalisyon sa anomang grupo na “that will use arms or violence to propagate each cause” so kung titingnan natin, bakit ‘di natin siya paniwalaan? Sinasabi na mismo niya ‘yan na wala talagang ganoong kaugnayan or planong magkaroon ng coalition government,” anang retired general.

Malinaw aniya na ginagawa ang red-tagging kay VP Leni dahil kitang-kita ang malawak na suporta sa kanyang kandidatura sa pagka-pangulo ng bansa.

“I just don’t know why people are hyping it or repeating it so many times but looking at it, makikita natin na ginagawa nila ‘yan kasi nakikita nilang massive ang support kay VP Leni, lumalaki e,” aniya.

“Pinupukol nila si VP Leni kasi nakikita nila sigurong out pouring na ‘yung support para sa kaniya. Talagang naandon na,” dagdag niya.

Kabilang aniya sa nais tutukan ni VP Leni kapag naluklok sa Malacañang ang isyu kaugnay ng seguridad ay ang insurgency, West Philippine Sea (WPS), operasyon laban sa kriminalidad, illegal drugs, at modernisasyon ng AFP at Philippine National Police (PNP).

Tutugunan aniya ni VP Leni ang ugat ng pagsusulong ng armadong pakikibaka ng NPA.

“Ano ba ‘yung dissent? What motivates or what makes a person or a group of persons na nagsa-suffer ng ganitong mga conditions in life na nagiging NPA sila. Tugunan natin itong mga pangangailangan nila para ‘di na sila sumali sa armadong grupo which is I think is the whole or nation approach na puwede talagang would bring the end to insurgency,” sabi ni Tutaan.

Sa isyu ng WPS, igigiit ni VP Leni ang arbitral ruling na nagtatakda na ito’y pagmamay-ari ng Filipinas.

About Rose Novenario

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …