Saturday , July 19 2025
Leni Robredo Kiko Pangilinan

Momentum ng kampanya nakuha ng oposisyon
PANANAKOT, RED-TAGGING ‘DI UMUBRA

NAPATUNAYAN na hindi umuubra ang pananakot at red-tagging na ginagawa ng mga puwersa ng administrasyon dahil nasa oposisyon na ang momentum ng kampanya, ayon sa Bagong Alyansang Makabayan (Bayan).

Sinabi ni Bayan secretary-general Renato Reyes, Jr., matapos ang higanteng rally kamakalawa ng gabi sa Pasay City para sa Leni-Kiko tandem, walang duda na ang momentum ng kampanya ay nasa oposisyon na.

Iniulat na umabot sa 502,000 katao ang dumalo sa birthday grand rally ni presidential bet, Vice President at Leni Robredo.

“Papalaki na,” ani Reyes, “ang natitipong tao ng oposisyon at hindi na makasabay ang makinarya nina Marcos-Duterte.”

“May winning trajectory o malaking tsansang manalo ang oposisyon sa darating na Mayo 9,” ayon kay Reyes.

Giit niya, mas nanaig ang malakas na pagnanasa ng mamamayan para sa pagbabago sa kabila ng walang habas na red-tagging at pananakot ng puwersa ng administrasyon.

Magugunitang mula noong nakaraang buwan ay naglunsad ng ‘coordinated red-tagging statements’ si Pangulong Rodrigo Duterte, ang National Task Force to End Local Communist Armed Conflict (NTF-ELCAC), at ilang kandidatong kontra sa kandidatura ni Robredo.

“Hindi lang tungkol sa isang tao o politiko ang mga pagkilos kundi nakaugnay ito sa malalim na pagnanais ng mamamayan na wakasan ang kasalukuyang pagkakalugmok ng bansa,” ani Reyes.

Upang maipanalo ang oposisyon, iminungkahi ni Reyes, sa huling dalawang linggo ng kampanya ay mahalagang matiyak ang patuloy na paglaban sa iba’t ibang porma ng dayaan, lalo ang malawakang disimpormasyon at bilihan ng boto, na ngayon pa lamang ay ginagawa na.

Kailangan aniyang palakasin ang tulungan ng lahat ng puwersang oposisyon para matiyak ang mga boto sa araw ng halalan at labanan ang mga atake at panggigipit tulad ng red-tagging at harassment sa mga puwersa ng oposisyon.

“Tipunin ang pinakamalaking rally bago ang araw ng halalan, magsisilbi itong babala sa anomang tangka ng dayaan.”

Mahirap aniyang pigilan ang ang momentum ng oposisyon dahil isang malapad na hanay ang umusbong ngayon para biguin ang tambalang Marcos-Duterte at para igiit ang pagbabago sa bansa.

“Kung may dayaan man, tiyak na lalabanan at itatakwil ito ng mamamayan. Ipapanalo natin ito,” aniya.

Sa pagdiriwang ng ika-57 kaarawan ni VP Leni kamakalawa, bukod sa dumagsa ang endoso sa kanya ng mga personalidad ay nadagdag ang malalaking pangkat sa bansa, ang Moro Islamic Liberation Front (MILF) at political party nitong United Bangsamoro Justice Party, Ecumenical Bishops Forum (EBF), Kilusang Mayo Uno (KMU), at Kalipunan ng Damayang Mahihirap (Kadamay). (ROSE NOVENARIO)

Krystall Herbal Products and FGO Branches

About Rose Novenario

Check Also

071825 Hataw Frontpage

Legal adoption at anti-human trafficking nais palakasin
‘BABIES FOR SALE’ ONLINE ISASALANG SA SENADO

ni Niño Aclan “BABIES are not commodities.” Binigyang-diin ito ni Senadora Pia  Cayetano kasabay ng …

Antonio Carpio SC Supreme Court

Dahil sa pagiging co-equal branch of government
SC PINAALALAHANAN NI CARPIO SA PAG-USIG vs MAMBABATAS

PINAGHIHINAY-HINAY ni dating Supreme Court Associate Justice Antonio Carpio ang Korte Suprema kaugnay sa pagkuwestiyon …

Huli sa aktong pagkatay sa sinikwat na motorsiklo lalaki sa Bulacan tiklo

Huli sa aktong pagkatay sa sinikwat na motorsiklo, lalaki sa Bulacan tiklo

DINAKIP ng mga awtoridad ang isang lalaking pinaniniwalaang kabilang sa grupo ng agaw-motorsiklo sa lungsod …

Batangas Money

Batangas SP nananawagan ng pagkakaisa para sa sesyon

NANANAWAGAN ng pagkakaisa ang mga board members at lupon ng Sangguniang Panlalawigan (SP) ng Batangas …

BBM Bongbong Marcos BFP

Para sa State of the Nation Address
MGA BOMBERO KATUWANG SA SEGURIDAD NI PBBM

MAGIGING bahagi ang Bureau of Fire Protection (BFP) para magbigay seguridad  sa ika-4 na State …