Friday , March 29 2024
Sean de Guzman Joel Lamangan

Direk Joel kay Sean — Magkakaroon siya ng award sa pelikula ko

MA at PA
ni Rommel Placente

PAGKATAPOS magbida sa Anak ng Macho Dancer, magbibida muli si Sean de Guzman sa isang social crime drama movie na may woking title na Fall Guy na si Direk Joel Lamangan din ang magdidirehe.

Ang Fall Guy ay istorya ng isang social media influencer na naging biktima ng injustice system dahil sa kanyang estado sa buhay.

Ang pelikula ay isinulat ni Troy Espiritu, ipinrodyus nina Len Carillo ng 3:16 Media Network at John Bryan Diamante ng Mentorque Productions.

Masasabi ni Sean na ang Fall Guy ay kakaiba sa lahat ng mga nagawa niya nang pelikula dahil hindi na puro sex ang mapapanood dito. HIndi katulad ng mga nauna niyang nagawang pelikula na may tema ng hubaran. 

Iba ito sa mga usual films na ginagawa ko dati. Malayong-malayo siya. Hindi na sex ‘yung sentro ng pelikulang ito. Susubukan ko namang tumawid sa pagiging dramatic actor,” sabi ni Sean sa story conference ng Fall Guy.

Hindi lang sa Anak Ng Macho Dancer nakatrabaho ni Direk Joel si Sean kundi maging sa pelikulang Lockdown, Bekis on the Run, Huling Babaeng Birhen Sa Lupa, at Island of Desire.

Dahil nga ilang beses na niyang nakatrabaho si Sean, kaya alam ni Direk Joel ang kalidad ng binata bilang isang aktor. 

Puring-puri nga niya si Sean pagdating sa pag-arte. At naniniwala siya na after maipalabas ang Fall Guy ay posibleng magkaroon ng acting award rito ang aktor.

Magkakaroon siya ng award sa pelikulang ito. Sa aking pelikula siya unang nakita –‘Anak ng Macho Dancer,’ ‘Lockdown,’ at ‘yung mga kasunod pa niyang pelikula na kasama ako. Bakit ko siya pinili? Dahil nakitaan ko siya ng husay sa pag-arte. Nakitaan ko siya ng intrinsic quality ng isang mahusay na aktor na puwede pang ma-develop bilang pangunahing aktor ng ating industriya. Kaya noong ibinigay sa kanya ang proyektong ito, hindi na ako nagdalawang isip,” sabi ni Direk Joel tungkol kay Sean.

Bukod sa pagiging mahusay na aktor, hinahangaan din ni Direk Joel si Sean sa pagiging mabuti nitong tao.

At ano ang reaksiyon ni Sean sa mga papuring ito sa sa kanya ni  Direk Joel?

Thank you po kay Direk Joel. Nasabi ko po talaga kay Direk na kinakabahan ako sa peilkulang ito dahil sobrang bigat po nito. Sobrang layo ng ibang role ko rito sa mga ginawa kong project.”

Makakasama ni Sean sa Fall Guy sina Glydel Mercado,  Shamaine Buencamino, Vance Larena, Cloe Barreto,  Quinn Carillo, Marco Gomez, Karl Aquino, Tina Paner, Jim Pebanco, Pancho Carrillo, Mark Cardona, Tiffany Grey, Azekah Alvarez, Nisa Ortiz, Hershie de Leon, at Itan Rosales.

Samantala, proud si Ms Len sa pagiging indemand actor ng alaga niyang si Sean. Hindi nga niya akalain na sa lahat ng mga talent niya ay si Sean ang unang sisikat.

Although naniniwala naman ako sa kakayahan ni Sean. Pero ‘yung siya ang unang aangat, hindi ko nakita ‘yun. Pero siya pala ang una, noh?” sabi ni Ms Len.

Hanga naman si en sa pagiging loyal sa kanya ni Sean.

Itong si Sean, ‘yung pagiging loyal niya sa akin, sobra. Ilang beses ko nang pinalayas ‘yan. Mag-iimpake siya ng mga gamit, 2 hours na, hindi pa rin umaalis. Sabi niya, ‘wala akong ma-book na grab.’ Two hours na wala ka pa ring ma-book na grab?

Sobrang loyal niyan. Napakabait na bata talaga. Kaya deserved niya na blessed siya,” sabi pa ni Len.

About Rommel Placente

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …