Friday , March 29 2024

‘SINUBANG’ P203-B ESTATE TAX INHUSTISYA SA POBRENG PINOY (Marcos kapag hindi pa nagbayad)

ANG hindi pagbabayad ng mga pananagutan sa buwis ng pamilya ng yumaong diktador na si Ferdinand Marcos, Sr., kahit ang mga ordinaryong Filipino ay obligadong sumunod sa batas, “ay sumasalamin sa isang malaking pagkakahati at kawalan ng hustisya.”

“Ang karaniwang Filipino, kapag malinaw sa kanila na may dapat ibigay sa pamahalaan, kusang loob nilang ginagawa,” sabi ng abogadong si Alex Lacson.

“Hindi ba’t inhustisya kapag may mayayamang pamilya na hindi tumatalima sa batas?” ani Lacson na tumatakbong senador sa ilalim ng Robredo-Pangilinan tandem.

Sinabi ni Lacson, pinili ng pamilya Marcos na balewalain ang kahilingan ng Bureau of Internal Revenue (BIR) na bayaran ang kanilang tax liabilities habang ang publiko ay tumatanggap ng napakaliit na halaga bilang abuloy tuwing may krisis.

“Ang karaniwang tao, ayuda o abuloy lang ang natatanggap. Tulad ng P500 ayuda ng Duterte administration para sa mahihirap dahil sa pagtaas ng oil prices, kakasya ba ‘yun?” aniya.

Nitong buwan lamang, kinompirma ng BIR na nagpadala sila ng liham noong Disyembre 2021 na humihiling sa pamilya Marcos na bayaran ang kanilang estate tax liabilities na nagkakahalaga ng P203 bilyon.

Sinabi ni Lacson, ang pinakamahihirap sa mahihirap ay obligadong magbayad ng buwis sa pamamagitan ng VAT at E-VAT “sa gitna ng kanilang lumalalang kondisyon dahil sa pandemya at pagtaas ng presyo ng langis.”

“‘Yung mga kapos sa buhay, nagbabayad sila ng buwis kahit nahihirapan sila,” aniya.

“Nakita naman natin sa mga interview, mukhang hindi naman naghihikahos ang mga Marcos. Bakit ang hirap para sa kanila na magbayad ng buwis na dekada nang sinisingil sa kanila?” ani Lacson.

Nagbabala si dating BIR Commissioner Kim Henares laban sa pagbabalewala ni Ferdinand Marcos, Jr., sa batas, lalo kung siya ang susunod na pangulo.

Sinabi ni Sonny Africa ng Ibon Foundation, nabigo ang administrasyon ni Pangulong Rodrigo Duterte na magamit nang maayos ang sistema ng pagbubuwis ng bansa.

“Naging kalakaran ng Duterte administration na gamitin ang sistema ng pagbubuwis sa mga kalaban at gamit na tulong sa mga alyado,” ani Africa.

Binigyan diin ni Africa, ang P500 tulong para sa pinakamahihirap na 50% pamilya ay malayo pa rin sa kailangan ng mga ordinaryong Filipino at mas mababa sa kung ano ang kayang ibigay ng gobyerno.

“P500 barely makes up for inflation in the past year and won’t do anything for price increases to come,” aniya.

(GINA GARCIA)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …