Monday , May 29 2023
Kris Aquino Herbert Bautista
Kris Aquino Herbert Bautista

Tetay ‘binanatan’ si Herbert — ‘Wag n’yo iboto ‘di tumutupad sa pangako

MA at PA
ni Rommel Placente

HALATANG galit si Kris Aquino sa dating karelasyon na si Herbert Bautista. Noong dumalo kasi siya sa campaign rally ni presidential aspirant Leni Robredo sa Capas, Tarlac noong Miyerkoles ng gabi, Marso 23, ay nagpasaring siya kay Herbert.

Pero bago siya nagsalita, hinatak muna niya si Angel Locsin, bilang surprise celebrity guest para sa kampanya ni VP Leni.

Nang bumati na si Angel sa crowd, inihalintulad niya ang solid supporters ni VP Leni sa isang karelasyon na tunay na maaasahan.

Sabi ni Angel: “Kahit umuulan, uma-attend. Rain or shine, walang excuse, lumalabas.

“Kasi ‘yun naman ang gusto natin sa isang tao, ‘di po ba?

“Kapag hahanap ka ng kaibigan, karelasyon, kailangan laging nandyan para sa iyo, hindi tuwing eleksiyon lang.”

Sa sinabing ‘yun ni Angel, ay biglang singit si Kris. Sabi ng TV host-actress, “Gel, pinatatamaan mo ata ako riyan. Aray. Ouch.”

Depensa naman ni Angel kay Kris, “Ate, palagi ka lumalabas tuwing may sakuna kagaya ni VP Leni.”

Pero ang sagot ni Kris,”Hindi, ‘yung sinabi mo, may karelasyon.”

Hindi naman nakuha ni Angel ang ibig sabihin ni Kris.  Tanong niya,”Nandito ba siya?”

Sagot ni Kris, “’Yung isa nasa Uniteam, ‘yung ex…”

Hindi man binanggit ni Kris ang pangalan ng kanyang ex, obvious naman na ang tinutukoy niya ay si Herbert, na kabilang sa senatorial slate ng Uniteam nina BBM at Sara Duterte.

Rito na nagpasaring si Kris kay Herbert. Sabi niya patungkol sa dating mayor ng Quezon City, “O, huwag niyo iboto ‘yun, ha.

“Sayang ang boto dahil ‘di marunong tumupad sa mga ipinangako.

“Deadma please.”

Sa puntong ito ay tinawag uli ni Kris si Angel para ipagpatuloy ang mensahe nito para sa crowd.

“Ate, pinapagalitan mo ako riyan, eh,” biro ni Angel.

Hirit ulit ni Kris, “Nagbanggit ka kasi ng karelasyon, eh. Baka may masabi akong masama tungkol doon sa isa pa.”

Katuwa  talaga si Kris, kapag siya na talaga ang nagsalita ay nagiging isyu.

Pero ang tanong, ano kaya ang ibig niyang sabihin na hindi marunong tumupad sa mga pangako? Pangako ba ni Herbert?

About Rommel Placente

Check Also

Blind Item, Male Celebrity

Male star hanggang gay series na lang

ni Ed de Leon NAGSISIMULA pa lang ang kanyang career, sumabog na agad ang kanyang …

Julia Montez Coco Martin

Coco at Julia 12 taong magkatrabaho hindi magkarelasyon

MARAMI ang naguluhan, kinilig, nagbilang ukol sa tinuran ni Coco Martin na 12 years na silang ‘magkasama’ …

Valerie Concepcion Heather Fiona

Valerie nasaktan nang hanapin ni Fiona ang ama

RATED Rni Rommel Gonzales DALAGA pa lang noon si Valerie Concepcion ay naging ka-close na namin kaya …

David Licauco Barbie Forteza

David at Barbie ibinunyag sikreto pagpunta sa isang malamig na lugar 

ITO na ‘yung sikreto na binanggit sa amin dati pa nina David Licauco at Barbie Forteza tungkol sa tanong …

Christian Bables Andrea Brillantes

Christian ok lang ma-typecast sa pagbabading

SHOWBIZ KONEKni Maricris Valdez Nicasio KAHANGA-HANGA ang ibinigay na katwiran ni Christian Bables sa kung bakit patuloy …