Saturday , May 28 2022
Sipat Mat Vicencio

Mahalaga ang endorsement ni Grace

SIPAT
ni Mat Vicencio

ISANG malaking bagay kung pormal na magdedeklara si Senator Grace Poe kung sino ang kanyang babasbasan o bibigyan ng endorsement sa mga kandidatong kasalukuyang tumatakbo sa pagkapresidente.

Kung nagawang suportahan ng mga dating pangulo na sina Erap Estrada at Gloria Macapagal-Arroyo ang isang kandidatong presidente, nararapat din sigurong mamili si Grace ng kanyang babasbasang presidential candidate.

Napakahalaga at napakalaking tulong ang gagawing pormal na endorsement ni Grace sa isang kandidato. Ang kanyang mga supporter kabilang na ang libo-libong tagahanga ni Fernando Poe, Jr., ay naghihintay lamang ng hudyat kung sino ang kanyang susuportahan sa pagkapangulo ngayong darating na May 9.

Hindi kayang pasubalian na hanggang ngayon ang tinatawag na lakas o karisma ni FPJ sa kanyang mga supporters ay nagpapatuloy at hindi kailanman bumibitaw sa pagsuporta sa anak nitong si Grace.

At sa sandaling magdesisyon at tukuyin ng senador ang kandidatong kanyang babasbasan, malamang na magbago ang mukha ng kasalukuyang presidential race at maingat o manguna sa puwesto ang pipiliing kandidato ni Grace.

Sa gagawing pormal na endorsement ni Grace sa kanyang mapipiling presidentiable, hindi malayong mangyari na maungusan nito ang frontrunner na si dating Senador Bongbong Marcos.

Halos dalawang buwan na lamang ang natitira sa campaign period at muling masusukat ang lakas ni Grace kabilang ang suportang gagawin ng mga tagahanga ni FPJ sa sandaling ihayag ang kanyang presidential candidate.

Hindi kailangan mag-alinlangan si Grace, marami ang naghihintay at nag-aabang sa kanyang magiging desisyon. At sa sandaling gawin niya ito, makasisiguro siya sa suportang ibibigay ng kanyang mga supporter sa mapipili niyang kandidato.

Sa ngayon, marami sa mga tagasuporta ni Grace ang hindi nakalilimot sa kanyang naging desisyon na hindi tumakbo sa pampanguluhang halalan. Sa pagkakataong ito, maaaring mapahinuha ang lahat ng mga nagmamahal kay Grace kung pormal niyang tutukuyin ang kandidatong tumatakbo sa pagkapangulo.

About Mat Vicencio

Check Also

PROMDI ni Fernan AngelesI

Murang kuryente, langis possible kahit hindi ibasura tax measures

PROMDIni Fernan Angeles KUNG gusto may paraan. Ito ang diin ni Energy Undersecretary Benito Ranque …

Krystall Herbal FGO Fely Guy Ong

Stiff neck tanggal agad sa machine therapy at Krystall products

Dear Sis Fely, Magandang araw po sa inyo Sis Soly Guy Lee at Sis Fely …

AKSYON AGAD ni Almar Danguilan

Leadership ni QC Jail Warden Supt. Bonto, sinasabotahe

AKSYON AGADni Almar Danguilan Malalamang na desperado-desperado ngayon ang “mastermind” sa layuning mapalitan si Quezon …

PROMDI ni Fernan AngelesI

Ambisyong maging DOE Secretary ni Devanadera, napurnada pa yata

PROMDIni Fernan Angeles SA GITNA NG KRISIS sa enerhiya, higit na angkop para sa Department …

USAPING BAYAN ni Nelson Flores

Tambak na wiped out pa

USAPING BAYANRev. Fr. Nelson Flores, MSCK, JD. TAPOS na ang halalan pero hanggang ngayon ay …