Friday , July 18 2025

Ginaya ng ibang presidentiables
MGA SAGOT NI PING PATOK SA DEBATE

MATATAG na nanindigan si Partido Reporma standard-bearer Panfilo “Ping” Lacson sa kanyang programa na ibangon ang micro, small, and medium enterprises (MSME) na pinaluhod ng pandemya sa idinaos na unang serye ng “PiliPinas Debates 2022: The Turning
Point.”

Ang naturang debate ay inorganisa ng Commission on Elections (COMELEC) nitong Sabado sa Sofitel Hotel sa Pasay City at dinaluhan ng siyam na kandidato sa pagkapangulo. Unang tinanong ang mga lumahok kung anong sektor ang uunahin nilang tulungan para makabawi ang ekonomiya ng Filipinas.

Malumanay at kalmadong inilahad ni Lacson ang kanyang solusyon sa nabanggit na problema.

Ipinaliwanag niyang nasa 99.5 porsiyento ng Pinoy enterprises ang napapabilang sa MSME at nasa 400,000 manggagawa sa sektor na ito ang nawalan ng trabaho nang mapilitang magsara ang mga negosyo sa pananalasa ng COVID-19.

“Ang kailangan unahin magkaroon ng fiscal —comprehensive, ano — fiscal stimulus, ‘yung targeted at saka comprehensive na fiscal stimulus para sa ating mga MSME. Tulungan natin silang ibangon kasi napakalaki ng tama sa ating ekonomiya nanggaling sa sektor ng MSMEs,” seryosong tugon ni Lacson.

Matapos ang naturang sagot ay mistula siyang ginaya ng iba pang mga dumalo sa debate na sina Vice President Leni Robredo at kapwa senador na si Manny Pacquiao, habang ang iba namang kandidato tulad ni Manila Mayor Isko Moreno ay nagsabing uunahin ang sektor ng agrikultura.

Tugon ni Lacson sa bagay na ito, bagama’t hindi rin dapat na kalimutan ang sektor ng agrikultura, nasa 10 porsiyento lamang ang kontribusyon nito sa gross domestic product (GDP) ng bansa at nasa 22 porsiyento lamang ng buong labor force ng bansa ang nasasakop nito, kaya dapat mas unahin ang MSMEs.

Paliwanag ni Lacson, sa ilalim ng 2022 General Appropriations Act (GAA), ang gobyerno ay naglaan ng P2 bilyong pondo sa pamamagitan ng small banking corporation sa ilalim ng pangangasiwa ng Department of Trade Industry (DTI) bilang bahagi ng muling pagpapasigla sa sektor ng MSME.

Krystall Herbal Products and FGO Branches

About hataw tabloid

Check Also

071825 Hataw Frontpage

Legal adoption at anti-human trafficking nais palakasin
‘BABIES FOR SALE’ ONLINE ISASALANG SA SENADO

ni Niño Aclan “BABIES are not commodities.” Binigyang-diin ito ni Senadora Pia  Cayetano kasabay ng …

Antonio Carpio SC Supreme Court

Dahil sa pagiging co-equal branch of government
SC PINAALALAHANAN NI CARPIO SA PAG-USIG vs MAMBABATAS

PINAGHIHINAY-HINAY ni dating Supreme Court Associate Justice Antonio Carpio ang Korte Suprema kaugnay sa pagkuwestiyon …

Batangas Money

Batangas SP nananawagan ng pagkakaisa para sa sesyon

NANANAWAGAN ng pagkakaisa ang mga board members at lupon ng Sangguniang Panlalawigan (SP) ng Batangas …

BBM Bongbong Marcos BFP

Para sa State of the Nation Address
MGA BOMBERO KATUWANG SA SEGURIDAD NI PBBM

MAGIGING bahagi ang Bureau of Fire Protection (BFP) para magbigay seguridad  sa ika-4 na State …

QCPD Quezon City

Gunman, 1 suspek sa pinaslang na congress exec, arestado sa buybust             

NASAKOTE ng mga operatiba ng Quezon City Police District (QCPD) ang dalawa pang suspek, kabilang …