Saturday , May 28 2022
arrest, posas, fingerprints

Sa Pampanga
2 MANGGAGANTSONG KOREANO TIMBOG SA LARGE-SCALE FRAUD

NAARESTO ng mga tauhan ng Bureau of Immigration (BI) ang dalawang puganteng South Korean national na sangkot sa large-scale fraud sa magkahiwalay na operasyon ng mga awtoridad sa lalawigan ng Pampanga.

Sa ulat kay Immigration Commissioner Jaime Morente, kinilala ang mga nadakip na suspek ng BI fugitive search unit na sina Son Hyungjun, 36 anyos; at Choi Jong Bok, 40 anyos, sa lalawigan ng Pampanga.

Ayon kay BI-FSU acting chief Rendel Ryan Sy, naaresto si Son sa lungsod ng Angeles.

Nabatid na miyembro ang dayuhan ng isang telecommunications fraud syndicate na nakapanloko sa mga biktima ng halos 22 milyong Korean won o halos US$18,000.

May inilabas na arrest warrant ang Busan district court sa South Korea laban kay Son, at sa kanyang mga kasabwat.

Samantala, nasukol sa bayan ng Porac dahil sa panloloko sa kababayan ng mahigit P7 milyon sa isang fraudulent stock investment scheme ang isa pang Koreano.

Naglabas ang Nambu district court sa Seoul ng arrest warrant laban kay Choi.

Kinansela na rin ang mga pasaporte ng dalawang Koreano kaya ikinokonsidera sila bilang undocumented aliens.

Kasalukuyang nakakulong ang dalawang dayuhan sa BI warden facility sa Camp Bagong Diwa, lungsod ng Taguig habang hinihintay ang deportation proceedings. (MICKA BAUTISTA)

About Micka Bautista

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …