Saturday , July 19 2025
Leni Robredo Bacolod rally artists

Malalaking pangalan sa showbiz naghatid-saya sa 70K supporters ni Leni sa Bacolod City

SHOWBIZ KONEK
ni Maricris Valdez Nicasio

NAGSAMA-SAMA ang mga malalaking pangalan ng showbiz at musika sa pagbibigay-saya sa 70,000 tagasuporta ni Vice President Leni Robredo noong Biyernes sa Paglaum Stadium sa Bacolod City. 

Ang bigating lineup ay pinangunahan nina Sharon Cuneta, Rivermaya, Kyla, at Kuh Ledesma

Nandoon din sina Curtismith, Mayonnaise, Gracenote, Tippy Dos Santos, Gab Valenciano, Janina Vela, The Company, DJ Joey, at Kay Leni Tayo singers na sina Jeli Mateo, Justine Pena, at Nica del Rosario na naghandog ng mga kanta. 

Ang mga aktor na sina Edu Manzano, Joel Torre, Ronnie Lazaro, Nikki Valdez, at Agot Isidro, at showbiz personality Ogie Diaz kasama ang kanyang YT channel co-hosts na sina Mama Loi and Dyosa Pockoh,  ay umakyat sa entablado para ipahayag ang kanilang suporta para kay Vice President Leni at running mate Kiko Pangilinan, at sa lahat mga kasama sa kanilang slate. 

Iniulat ni Negros Occidental provincial administrator Rayfrando Diaz na ang tao sa loob at paligid ng Paglaum Stadium ay nasa 70,000. Nilampasan nito ang dating marka na halos 50,000 katao sa General Trias, Cavite. 

Sa pagbisita ni Robredo sa Iloilo at Tandag, nagsama-sama ang 40,000 at 20,000 tagasuporta, ayon sa pagkakasunod, habang libo-libo rin ang dumalo sa kanyang rally sa Mindoro at Romblon. 

Mahigit 100,000 katao ang dumalo sa ilang pagtitipon ni Robredo sa Negros Occidental noong Biyernes, kabilang ang 20,000 tagasuporta sa Sagay City. 

Dumalaw din ang Bise Presidente sa San Carlos City, Kabankalan City, La Carlota City, Binalbagan at Hinigaran, na umabot sa kabuuang 20,000 tagasuporta ang dumalo. 

Nag-trending naman ang hashtag #BacolodIsPink bilang No. 1 sa Pilipinas at sa buong mundo sa Twitter habang ang #MASSKARApatDapatLeniKiko at #NegOccIsPink ay nasa ikatlo at ikaapat, ayon sa pagkakasunod. 

Nangyari ang pinakamalaking pagtitipon sa Bacolod matapos manguna si Robredo sa Google Trends at Facebook Analytics. 

Mula Pebrero 5 hanggang Marso 2, 2022, nanguna si Robredo sa Google Trends na may kabuuang score na 107 mula sa mga search na gamit ang keywords na “Leni” at “Robredo” at mula sa positive engagements, na malayo ang agwat sa kanyang katunggali na si Ferdinand “Bongbong” Marcos Jr.

Tagumpay ang Google Trends sa pagdetermina sa resulta ng halalan sa United States, Greece, Spain, Germany, at Brazil. 

Nakakuha rin si Robredo ng limang puntos na kalamangan kay Marcos ngayong buwan pagdating sa Facebook engagement score, na sumusukat sa potensiyal na maging botante ng partikular na kandidato ang isang tao. Si Robredo ay mayroong 8 milyong engagements kompara sa 7.5 milyon ng kanyang katunggali. 

Tumatakbo si Robredo sa plataporma ng “Oplan Angat Agad”, na nakatuon sa trabaho, kalusugan at edukasyon. 

Nais matiyak ni Robredo na hindi bababa sa isang miyembro ng pamilya ang tumatanggap ng buwanang suweldo habang ang mga nawalan ng trabaho ay bibigyan ng tatlong buwang pinansiyal na ayuda habang naghahanap ng hanapbuhay. 

Pagdating sa kalusugan, magbibigay din si Robredo ng access sa libreng doktor sa bawat pamilya at gagawing abot-kaya ang pagpapagamot para sa lahat ng Filipino. Nais din ni Robredo na bigyan ng kalidad na edukasyon ang mga estudyante upang maabot nila ang pangarap na trabaho sa hinaharap.

Krystall Herbal Products and FGO Branches

About Maricris Valdez Nicasio

Check Also

Camille Prats

Camille acting iiwan focus muna sa mga anak

MA at PAni Rommel Placente NAGPAALAM na ang karakter ni Camille Prats bilang si Olive Caparas sa afternoon …

Ogie Diaz Zanjoe Marudo How To Get Away From My Toxic Family

Ogie Diaz may payo, paano nga ba makawala sa toxic family?

RATED Rni Rommel Gonzales TINANONG namin si Ogie Diaz kung ano ang maipapayo niya tungkol sa toxicity …

Sharon Cuneta scented candles

Sharon may bagong negosyo

MATABILni John Fontanilla PINAGKAKAABALAHAN ngayon ni Sharon Cuneta ang paggawa ng scented candles at  gusto nitong gawing negosyo. …

BlueWater Day Spa 5

Teejay Marquez at Choi Bo Min, sinabi mga gustong maka-bonding sa BlueWater Day Spa

ALAM MO NA!ni Nonie Nicasio SINA Teejay Marquez at Korean actor na Choi Bo Min ang …

Dina Bonnevie House of D

Dina nagtampo sa Diyos

RATED Rni Rommel Gonzales KINAMUSTA namin si Dina Bonnevie makalipas ang anim na buwan mula nang pumanaw …