Wednesday , May 25 2022
EJ Obiena PATAFA

Dahil sa ‘bangayan’ sa PATAFA
EJ OBIENA ‘DI NAKALAHOK SA BELGRADE 2022

DESMAYADO si Senate Committee on Sports chairman Senator Christopher Lawrence “Bong” Go na hindi nakadalo si national pole vaulter at Olympian Ernest John “EJ” Obiena sa World Athletics Indoor Championships na gaganapin sa Belgrade, Serbia ngayong buwan dahil sa sigalot sa pagitan nito at ng Philippine Athletics Track and Field Association (PATAFA).

Kalipikadong lumahok si Obiena sa World Indoors matapos makakuha ng gold-medal performance sa Orlen Cup sa Poland nitong nagdaang Pebrero ngunit nabigo siyang makadalo dahil hindi binigyan ng endoso ng PATAFA ang atleta dahil sa sigalot sa pagitan nila.

“Nakalulungkot na dahil sa bangayan, nasayang ang pagkakataong mabigyan muli ng karangalan ang ating bansa sa larangan ng sports,” ani Go.

Ayon kay Go, balewala na ang ating layuning “We Win As One” kung hindi naman tayo nagkakaisa at buo para suportahan ang ating mga atleta.

Magugunitang noong 7 Pebrero ay nagasagawa ng imbestigasyon ang senado na pinamunuan ni Go ukol sa sigalot sa pagitan ng dalawa at sa huli ay tumayo pa ang senado bilang kanilang mediator para magkaayos ang magkabilang kampo.

“Bilang Chair ng Senate Committee on Sports, nagpatawag na po tayo ng hearing noong February 7 kung saan nahimok natin ang PATAFA at si EJ Obiena na mag-usap at pumayag na lumahok muli sa mediation process. Inatasan natin ang Philippine Sports Commission para pangunahan ito bilang pagganap sa kanilang mandato,” dagdag ni Go.

Dahil ongoing pa ang mediation process kung kaya’t patuloy na nanawagan si Go sa PSC at sa dalawang panig na mag-usap at bilisan ang pagresolba ng kanilang gusot.

“Ang kooperasyon ninyo ang kailangan para maayos ang lahat for the sake of our country. Magkaisa po tayo at sana ay walang politika sa sports,” giit ni Go.

Bukod dito, pinayohan din ni Go ang iba pang ahensiyang may kinalamana sa palakasan na huwag nang mangyaring muli ang insidente at tiyaking magkaisa para sa mga atletang Filipino.

“Ayusin na ang dapat ayusin. Gawin ninyo ang tama, isantabi ang pansariling interes, at resolbahin ang mga hindi pagkakaunawaan. Maging magandang ehemplo po sana kayo sa inyong salita at gawa dahil maraming mga Filipino ang tumitingala sa inyo,” ani Go.

Binigyang-diin ni Go, umaasa ang buong sambayanan na magiging maganda ang kahihinatnan ng usapang ito para sa kapakanan ng susunod na henerasyon ng mga atleta.

Inilinaw ni Go, ang tagumpay na kakamitin ng isang atleta ay hindi lamang niya tagumpay at karangalan kundi ng buong bansa at ng bawat mamamayang Filipino.

Siniguro ni Go, suportado niya ang lahat ng aatletang Filipino at titiyakin niyang mayroong sapat na pondo para sa kanilang pangangailangan mula sa training hanggang sa paglaban.

Ilan rin sa mga pangunahing batas na si Go ang may-akda at pawang kasama sa mga may-akda ang Republic Act No. 11470, o ang pagtatayo ng National Academy of Sports (NAS) na matatagpuan sa New Clark City Sports Complex sa Capas, Tarlac na titiyak na magbibigay ng sapat na kaalaman o edukasyon at training sa mga batang Filipino na nagnanais maging atleta at kinatawan ng bansa sa mga laban. (NIÑO ACLAN)

About Niño Aclan

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …