Saturday , May 28 2022
Egay Erice Jr

Nasaan si Egay Jr.?
ANAK NG POLITIKO SA CALOOCAN 4-TAON NANG KULONG SA DROGA 

ISANG anak ng politiko sa Caloocan City ang iniulat na apat na taon nang nakakulong dahil sa kaso ng pagtutulak ng droga.

Kinilala ang anak na isang Edgar A. Erice, Jr., apat na taon nang patuloy na nagtatangkang paboran ng hukuman ang mosyon na siya ay payagang magpiyansa.

Base sa mga ulat, anak ni District 2 congressman Edgar Erice sa isang Racquel Aranas si Egay, Jr., na nahuli noong 2018 sa isang buy bust operation sa Pasay City.

Kasamang nakalaboso ng anak ni Congressman Egay ang isang Rafael Alberto, may alyas na Biboy.

Ilang beses nagtangkang magpiyansa si Egay, Jr., sa loob ng apat na taon ngunit hindi ito pinapayagan ng korte dahil matibay ang ebidensiya laban sa kanya.

Kasalukuyang abogado ni Egay Jr., si Atty. Jose Isagani Gonzales, kapatid ng isa sa mga pinagkakatiwalaang empleyado ni congressman Erice na si Atty. Dick Gonzales.

Ang pagkakahuli kay Egay Jr., habang nagtutulak ng droga ay bahagi ng Oplan Tokhang ni Pangulong Rodrigo Duterte.

Matatandaang ang Oplan Tokhang ang isa sa mga pangunahing aksiyon ng administrasyong Duterte dahil sa pagsira ng droga sa pamilya, sa bayan, at lalo sa kinabukasan ng kabataan.

               Ilang supporters ni Erice ang desmayado sa isyu lalo’t nagtatangka ang mambabatas na masungkit ang matagal nang pinapangarap na maging alkalde ng Caloocan City.

               Tinangka ng HATAW na makuha ang panig ng mga Erice sa nasabing isyu ngunit hindi sila makontak. (HNT)    

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …