Friday , May 27 2022
shabu drug arrest

P.1-M shabu sa Navotas
6 TULAK SHOOT SA HOYO

TINATAYANG mahigit P.1 milyon halaga ng shabu ang nasamsam sa anim na hinihinalang drug personalities matapos matimbog sa magkahiwalay na drug operations ng pulisya sa Navotas City.

Ayon kay Navotas City police chief Col. Dexter Ollaging, dakong 11:30 pm nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Luis Rufo, Jr., ng buy bust operation sa A. Cruz St., Brgy. Tangos South na nagresulta sa pagkakaaresto kay Michael Manalaysay, alyas Ungkay, 42 anyos, (pusher/listed), at Leo Escalona, 38 anyos.

Nakompiska sa kanila ang tinatayang nasa 7 grams ng hinihinalang shabu, may standard drug price P47,000 at P500 marked money.

Nauna rito, dakong 10:45 pm nang madakma ng kabilang team ng SDEU si Jeffrey De Guzman, 45, at Melchor Malana, Jr., 43 anyos, sa buy bust operation sa Dalagang Bukid St., Brgy. NBBS, Dagat-dagatan.

Narekober sa kanila ang tinatayang nasa 4.5 grams ng hinihinalang shabu nasa P30,600 ang halaga at P500 buy bust money.

Sa Brgy. Bangkulasi, dakong 9:00 pm nang maaresto ang magsyotang sina Jay Dela Cruz, alyas Bruno, 39 anyos, at Jennifer Alojacin, 39 anyos, ng mga tauhan ng Navotas Police Sub-Station 3 sa isinagawang validation at patrolling sa Pescador 1 Street.

Nakuha sa mga suspek ang anim transparent plastic sachets na naglalaman ng tinatayang nasa 4.7 gramo ng hinihinalang shabu, may standard drug price na P31,960.

Sasampahan ng kasong paglabag sa RA 9165 o ang Comprehensive Dangerous Drug Act of 2002 ang mga suspek. (ROMMEL SALES)

About Rommel Sales

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …