Friday , May 27 2022
Calista girls

Calista, target ang international market

ALAM MO NA!
ni Nonie Nicasio

MALAKAS ang dating ng hottest girl group ng bansa na Calista, na binubuo nina

Alluring Olive, Sweet Laiza, Edgy Anne, Sporty Denise, Chic Elle at Fiery Dain. Sila ang bagong I-pop girl group na pinamamahalaan ng Tyrone Escalante Artist Management (TEAM).

Nagkaroon ng launching last March 8, 2022 ang grupo ng dalagitang may talento sa pagsayaw at pagkanta at dito’y pinahanga nila ang lahat.

Target nilang ma-penetrate ang International market at masasabi naming may-K ang mga talented na kababaihang ito na maisakatuparan iyon.

Mula sa isang daang dalagita na dumaan sa audition, sinala ang mga gustong sumali sa grupo hanggang sa na-trim-down sila sa 50, naging 25 at hanggang sa anim na lang ang natira sa final selection.

Calista ang pangalan ng kanilang grupo dahil pinaikli itong Call It a Star.

Sa launching nila, kinanta at sinayawan ng grupo ang kanilang debut single na, Race Car. Ito’y isinulat ng batikang composer na si Marcus Davis.

Ang Calista ay mapapanood sa kauna-unahan nilang concert na Vax to Normal, na maituturing na the most anticipated concert event of the year. Gaganapin ito sa April 26, 2022 sa Smart Araneta Coliseum at dito’y magpapakita ang grupo ng kanilang galing sa pagkanta at pagsayaw. Prodyus ng Merlion Events Production, Inc., guest performers sa tribute concert sina Yeng Constantino, AC Bonifacio, Elmo Magalona, Andrea Brillantes, Darren Espanto at Ken San Jose.

Ang Vax to Normal concert ay mula sa direksyon ni Nico Faustino, dance choreography nina Nesh Janiola at Carlos Serrano III at Soc Mina bilang musical director.

Ang concert ay isang pagpupugay sa frontliners ng bansa, lalo na ang mga healthcare workers na itinuturing na mga makabagong bayani sa paglaban natin sa Covid-19.

“Natutuwa ako na unti-unti na tayong nakakabalik sa normal. Hopefully, magtuloy-tuloy na ito. Hindi magiging posible ito kung hindi sa tulong ng ating frontliners. Marapat lang na bigyan sila ng pagpupugay sa lahat ng kanilang nagawa. Ito rin ang paraan namin para magpasalamat sa kanila. Sa panahong ito, importante rin ang makapagbigay tayo ng aliw tulad ng concert na ito para makapaghatid ng pag-asa,” wika ni Tyrone Escalante.

Para sa karagdagang detalye sa Vax to Normal, bisitahin ang kanilang website na melionproduction.com. Para makilala ninyo pa nang lubos ang Calista, puwedeng pumunta sa kanilang website na calistasocials.com at i-follow sila sa Facebook (Calista PH), Instagram (@calistamusicofficial), Twitter (@calistasocials), Tiktok (@calistamusicofficial) at You Tube (Calista PH).

About Nonie Nicasio

Check Also

Bea Alonzo spain house

Pagbili ng apartment ni Bea sa Spain sisiw lang sa aktres

REALITY BITESni Dominic Rea SISIW lang o barya lang para kay Bea Alonzo ang halaga ng binili …

Xian Gaza Barbie Imperial

‘Lampungan’ sa socmed nina Barbie at Xian saan mauuwi?

REALITY BITESni Dominic Rea MAY patutunguhan ‘yang ‘lampungan’ sa social media o exchange of words …

Cara Gonzales Ikaw Lang Ang Mahal

Cara Gonzales palaban bilang direktor na pokpok

HARD TALKni Pilar Mateo ANO ba ‘yung pinanood ko? Ibang klase talaga itong si Direk Richard …

Sylvia Sanchez Lee Jung-jae

Sylvia nakadaupang palad si Lee Jung-jae

PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na …

Regine Velasquez Moira dela Torre Gary V Chito Miranda

Regine, Moira, Chito, at Gary mga hurado ng Idol Phils Season 2

NAGBABALIK ang pinakamalaking singing competition sa bansa, ang Idol Philippines  sa ikalawang season nito kasama ang minahal …