Saturday , May 28 2022
shabu drug arrest

3 tulak sa Makati timbog sa buy bust

SA KULUNGAN bumagsak ang tatlong indibidwal matapos makompiskahan ng kabuuang P94,520 halaga ng hinihinalang shabu ng mga tauhan ng Station Drug Enforcement Unit (DEU) ng Makati City Police, sa magkahiwalay na operasyon, sa Makati City, kamakalawa.

Kinilala ni Southern Police District (SPD) director, P/BGen. Jimili Macaraeg, ang mga suspek na sina Michael Neri, alyas Yuli, 21; Mark Arjen Orbon; at Russell Palermo, alyas Bakly, 23, pawang residente sa Makati City.

Ayon sa ulat, unang nahuli sina Neri at Orbon dakong 5:40 pm noong 8 Marso sa panulukan ng J.P. Rizal Ave. at B. Serrano St., Brgy. West Rembo, nang makabili ng shabu ang mga operatiba sa ikinasang buy bust operation na nagresulta sa pagkakakompiska ng 11.10 gramo ng shabu, may Standard Drug Price (SDP) na P75,480.

Si Palermo ay nahuli dakong 8:45 pm sa Kalayaan Ave., Barangay West Rembo, sa hiwalay na buy bust operation, nasamsaman ng 3.8 gramo ng shabu na nagkakahalaga ng P19,040.

Kasong paglabag sa Republic Act 1965 o Comprehensive Dangerous Drugs Act of 2002 ang kakaharapin ng mga suspek. (GINA GARCIA)

About Jaja Garcia

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …