I-FLEX
ni Jun Nardo
NAKA-FLEX sa Instagram ng Kapuso actor na si Ruru Madrid na nakasaklay siya pati ‘yung treatment sa kanya ng medical staff sa set ng ginagawang adventure serye na Lolong.
Ayon sa reports, naaksidente si Ruru nang mawala ang balanse ng katawan kaugnay ng gagawing action scene. Buti na lang, may stand by na medical staff sa location sa kanilang lock in taping.
Patapos na sana ang una nilang lock in taping eh dahil sa aksidente ni Ruru, nilagyan ng cast ang kanyang kanang paa at ayon sa doctor, two to four weeks ang kailangan niyang ipahinga.
“Sad news…but as a person who always tries to see the good in unfortunate situations, I guess, I just need to remind myself that everything happens for a reason,” bahagi ng caption ni Ruru sa IG.
