Saturday , May 28 2022
Ukraine

21 Filipino seafarers mula Ukraine umuwi

KINOMPIRMA ng Department of Foreign Affairs (DFA) na 21 tripulanteng Filipino ng M/V S-Breeze mula sa Ukraine ang nakatakdang dumating sa bansa ngayong araw, Martes, 8 Marso.

Ayon sa kagawaran, dahil sa pagsisikap ng Philippine Embassy sa Budapest at ng Philippine Honorary Consulate, nakapasok ang mga marino sa Moldova mula Ukraine, mula sa Chisinau, ang mga Filipino ay dinala sa Romania, kung saan sila dumating nang maaga noong 4 Marso.

Inaasahan ang pagdating ng mga Pinoy seafarers ngayong Martes 8:30 am sakay ng Philippine Airlines (PAL) flight PR659.

Ayon sa DFA ang grupo ay inilikas mula sa M/V S-Breeze, isang bulk carrier na nasa drydock para sa pagkukumpuni sa Ilyichevsk Ship Yard sa Port of Odessa, Ukraine mula pa noong 27 Enero 2022.

Sinabi ng DFA, isa pang grupo ng mga marino, partikular ang 13 sa 31 tripulante ng Star Helena, ay nakatawid sa border ng Moldova noong 3 Marso at matagumpay na inilikas mula sa Chornomorsk sa pamamagitan ng Honorary Consul sa Moldova, kung saan hinihintay ang kanilang repatriation pauwi sa bansa. (GINA GARCIA)

About Jaja Garcia

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …