Saturday , May 28 2022
Joy Belmonte Quezon City QC

24,000 plus katao nabiyayaan ng Pangkabuhayan QC program — Belmonte

MAHIGIT 24,000 residente ng Quezon City ang nabiyayaan ng Pangkabuhayang QC program, iniulat ni Mayor Joy Belmonte nitong weekend.

“As of March 6, 2022, the total number of beneficiaries who have received assistance is 24,497,” ang pahayag ni Belmonte, at idinagdag na ang sinabing 4,828 bilang ay bibigyan ng financial assistance sa darating na 8-13 Marso.

Paliwanag ni Belmonte, ang Pangkabuhayan QC program ay pinangangasiwaan ng Small Business and Cooperatives Development Promotions Office (SBCDPO) na sumusuri sa mga nais mapabilang sa programa, lalo ang mga naapektohan ang kabuhayan dahil sa pandemiyang dulot ng CoVid-19 virus.

Kabilang sa prayoridad ng programa ang mga nawalan ng trabaho, tulad ng mga micro-entrepreneur, Overseas Filipino Workers (OFW), unemployed solo parents, at mga persons with disability o mga PWD.

Sinabi ni Belmonte, noon pang Nobyembre ng nakaraang taon ay nagsimula nang magbigay ang SBCDPO sa mga residenteng naaprobahan ang mga aplikasyon.

Dagdag ni Belmonte, ang halaga ng financial assistance ay nagmumula sa halagang P10,000 hanggang P20,000 bilang panimulang puhunan ng mga beneficiaries, upang makaahon sa kahirapang naranasan dahil sa pandemiya.

“Depende sa kanilang isinumiteng business proposal,” paliwanag ng Mayora. Aniya, ang kabuuang halaga, na naipamahagi ng kanyang lokal na pamahalaan ay umabot sa P254,735,000.

Sinikap ng SBCDPO na makatuwang ang Department of Trade and Industry (DTI) para sa pagrerehistro ng mga negosyo ng beneficiaries.

Ang San Miguel Corporation at Cebuana Lhuiller naman para sa business insurances at ang GCash para sa online at contactless banking o pagbabayad.

Samantala, inianunsiyo ni Belmonte na 3,600 kababaihan ang tatanggap ng “Tindahan ni Ate Joy” ngayong buwan ng Marso. Sampung libong (P10,000) halaga ng mga paninda ang ibibigay sa mga benepisaryo ng programa.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …