Wednesday , May 25 2022
Nuclear Energy Electricity

Nuclear energy, iba pang malinis na power source kasama sa programa ng Lacson-Sotto

SUPORTADO nina Partido Reporma presidential candidate Panfilo “Ping” Lacson at running mate na si Senate President Vicente “Tito” Sotto III ang paggamit ng iba’t ibang mapagkukuhaan ng enerhiya kabilang ang nuclear energy upang makatulong sa pagbibigay ng malinis at murang koryente sa bansa.

               “Mura kasi kapag nuclear energy, but then ito ‘yung hindi natin naha-harness e,” sabi ni Lacson sa naging pagbisita nila ni Sotto sa Sorsogon nitong Huwebes kung saan sinamahan sila ni Governor Francis ‘Chiz’ Escudero.

               Sang-ayon sina Lacson at Sotto sa naging direktiba ni Pangulong Rodrigo Duterte na isama ang nuclear power sa mga posibleng pagkuhaan ng enerhiya. Sa polisiyang ito, tinitiyak ang mapayapang paggamit ng nuclear technology na nakaangkla sa prinsipyo ng kaligtasan ng publiko, pambansang seguridad, pagkakaroon ng sariling enerhiya, at pagpapanatili sa kalikasan.

               Dagdag ni Lacson, “Alam n’yo ba na ‘yung power sector, 57 percent (doon) ‘yung coal-fired. Napakamahal ng coal kasi nanggagaling pa sa Australia. Kasi ‘yung local coal natin dito hindi tama ‘yung Btu (British thermal unit), hindi sapat. Twenty-one percent renewable kasi nagpasa kami, nandoon pa si Senator Chiz ‘non, ipinasa namin ‘yung Renewable Energy Act.”

Batay sa nasabing batas o ang Republic Act 9513, magkakaroon ng insentibo ang mga energy producer, ayon kay Lacson. Kabilang rito ang kawalan ng value added tax (VAT) sa loob ng ilang taon, tax holiday, lalo sa solar, biomass, at geothermal power producers.

“Ang dami nating puwedeng i-harness, and ‘yung nuclear is also one… Ang consideration lang natin doon talaga ‘yung safety kasi pagka — nasa belt pa naman tayo ng earthquake at lahat,” saad ni Lacson.

               Dagdag pa rito, ayon kay Lacson dapat talagang siguruhin ang kaligtasan ng paggamit ng nuclear energy, lalo pa’t pang-apat ang Filipinas sa pinakamahinang bansa sa epekto ng climate change, ayon sa ulat ng United Nations Development Programme.

“And kung magnu-nuclear tayo siguraduhin natin na hindi mangyayari ‘yung Chernobyl, ‘yung nangyari sa Japan. ‘Yon lang ang number one concern natin ‘pag magnu-nuclear,” ayon pa sa dating hepe ng pambansang pulisya. 

Natapos ang pagtatayo sa Bataan Nuclear Power Plant (BNPP) noong 1986 ngunit hindi ito ginamit dahil sa sakunang nangyari sa Chernobyl at ang nangyaring People Power Revolution na nagpatalsik sa diktador na si Ferdinand Marcos na nag-utos sa pagtatayo nito simula noong 1976.

Tinutulan din ng mga aktibistang ayaw sa nuclear energy noong dekada ‘80 ang BNPP na nagkakahalaga ng $2.3 bilyon. Hindi ito pinaandar ng administrasyon ni dating Pangulong Corazon “Cory” Aquino na sumunod kay Marcos dahil umano sa isyu hinggil sa kaligtasan nito at korupsiyon na nakabalot dito. Magiging bahagi rin aniya ito ng 10 porsiyentong utang panlabas ng ating bansa. (NIÑO ACLAN)

About Niño Aclan

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …