Sunday , May 29 2022
Arrest Posas Handcuff

4 ‘kaminero’ huli sa aktong nagtatapon ng basurang imported

INARESTO ng mga tauhan ng Northern NCR Maritime Police Station (MARPSTA) ang apat katao matapos maaktohang ilegal na nagtatapon ng mga basurang galing sa ibang bansa sa gilid ng kalsada sa Vitas, Tondo, Maynila.

Kinilala ni MARPSTA chief, P/Major Randy Ludovice ang mga naarestong sina Dante Colarte, alyas Mikmik, 31 anyos, truck driver ng Naic, Cavite; Samson Dedal, alyas Me-Me, 32, aide ng Vitas Tondo, Maynila; Dominique Manawat, alyas Onak, 37, aide ng Quezon City, at John Michael Gomez, alyas JM, 30, safety officer ng Marikina City.

Lumabas sa imbestigasyon ni P/Cpl. Joseph Carlo Rolle, binabagtas ng isang team ng Northern NCR MARPSTA sa ilalim ng pamumuno ni P/Col. Oliver Tanseco ang Viva Road, Brgy. 101, Vitas, Tondo, Maynila sakay ng kanilang patrol vehicle dakong 8:30 pm nang nakita nila ang mga suspek, sakay ng isang puting Isuzu truck.

Pagsapit sa madilim na bahagi ng naturang lugar, isa-isang inihulog ng mga suspek sa gilid ng kalsada sa nasabing lugar ang mga garbage bag na naglalaman ng mga basura dahilan upang arestohin sila ng mga pulis.

Ayon kay P/Major Ludovice, napag-alaman nilang ang mga kargang basura ng nasabing truck ay galing sa mga foreign vessel na nakadaong sa Pier South.

Kasalukuyang nasa kustodiya ng Northern NCR MARPSTA ang mga suspek na nahaharap sa kasong paglabag sa Sec. 48 para 1 of RA 9003 (Ecological Solid Waste Management Act of 2000). (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …