Monday , July 15 2024
dead gun

2 sa 4 nanghodap sa gasolinahan, patay sa shootout

PATAY ang dalawa sa apat na nangholdap ng gasolinahan nang manlaban sa mga nagrespondeng awtoridad sa Novaliches, Quezon City, nitong Lunes ng madaling araw.

Sa ulat kay P/BGen. Remus Medina, ang mga biktimang hinoldap ng mga napaslang at dalawang nakatakas ay kinilalang sina Ramon Philip Velasco, 36, may asawa, cashier ng Uno Fuel Gas Station, at ang kaniyang pump attendant na si Paula Joy Ducat, 22, dalaga at residente sa TS Cruz Recomville, Brgy. 170, Caloocan City.

Habang inilarawan ang mga napatay na suspek na nakasuot ng black combination pink color na t-shirt, maong pants at red helmet, habang ang kasama naman niya ay nakasuot ng red jacket, black pants at may bonnet sa magkabilang kamay at armado ng baril.

Sa report ng Criminal Investigation and Detection Unit ng Quezon City Police District (CIDU-QCPD), dakong 3:10 am nitong Lunes, 7 Pebrero, nang maganap ang enkuwentro sa kanto ng Doña Rosario at Doña Isaura streets, Novaliches Proper, Novaliches, Quezon City.

Batay sa imbestigasyon ni P/Cpl. Christian Loyola ng CIDU, bandang 11:30 pm, abala ang mga biktima sa kanilang mga gawain sa UNO Gasoline Station sa Old Sauyo Road corner Ocean Park Subd., Brgy Sauyo, Novaliches, nang dumating ang apat na kalalakihan na sakay ng dalawang motorsiklo.

Agad tinutukan ng baril ang mga biktima at nagdeklara ng holdap saka mabilis na nilimas ang P8,718 cash ng gasolinahan, isang unit ng Vivo cellphone, at dalawang coin purse.

Nang makaalis ang mga suspek ay agad tumawag sa Novaliches Police Station PS4 ang mga biktima na agad nagresponde at naispatan ng mga awtoridad ang mga sinasabing holdaper sa kanto ng Doña Rosario at Doña Isaura Sts., Novaliches Proper, Novaliches.

Nang parahin ng mga awtoridad ay agad nagpaputok ng baril ang isa sa mga suspek dahilan upang gumanti ang mga pulis at nasapol ang dalawang holdaper habang nakatakas ang dalawa pa nilang mga kasamahan.

Positibong kinilala ng mga biktima ang mga napatay na suspek na siyang nangholdap sa kanilang gasolinahan.

Nasamsam sa crime scene ang 2 pistols, 7 fired cartridge cases, 2 cartridge, 1 Yamaha motorcycle at 2 plastic sachet ng shabu.

Masusing nagsasagawa ng imbestigasyon ang mga awtoridad habang tinutugis ang dalawa pang nakatakas na holdaper. (ALMAR DANGUILAN)

About Almar Danguilan

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …