Friday , May 27 2022

Kahit wala na sa Comelec si Guanzon,
KAMPANYA PARA SA DQ NI MARCOS JR., TULOY — BAYAN

020322 Hataw Frontpage

ni Rose Novenario

HINDI nagtatapos ang laban para sa diskalipikasyon sa anak ng diktador at presidential bet Ferdinand “Bongbong” Marcos, Jr., sa 2022 elections sa pagreretiro ni Commissioner Rowena Guanzon sa Commission on Elections (Comelec).

Sinabi ni Bagong Alyansang Makabayan (Bayan) secretary general Renato Reyes, Jr., buhay na buhay ang kampanya para idiskalipika si Marcos, Jr., at nagmumula sa mga mamamayan na naghahangad ng pagbabago sa pambansang politika.

            “The fight to #DisqualifyMarcos does not end with Guanzon’s exit from the Comelec. The campaign is very much alive and emanates from the people who truly desire change in our national politics,” ayon kay Reyes.

Nagpapasalamat aniya ang Bayan sa matatag na paninindigan ni Guanzon sa Marcos disqualification case at pagsisiwalat sa maniobrahan sa loob ng Comelec.

Ang expose aniya ni Guanzon ay dapat kagyat na imbestigahan ng Comelec at ng Senado.

Giit ni Reyes, nakalulungkot at nakagagalit na ang boto ni Guanzon para madiskalipika si Marcos, Jr., ay hindi nabilang dahil sa kanyang pagreretiro sa poll body kahapon.

Ang pag-aantala at maniobra sa desisyon ay masyadong garapal, ani Reyes.

Nauna rito’y ibinisto ni Guanzon na sinadya ni Commissioner Aimee Feralino na iantala ang resolution sa DQ case dahil inimpluwensyahan ng isang senador na malapit kay Pangulong Rodrigo Duterte.

“Once again we see how power and influence undermine the electoral exercise and deny people the justice they deserve,” sabi ni Reyes.

“The ruling elite are able to circumvent and violate our laws and are granted a free pass,” dagdag niya.

Umaasa ang Bayan na ipagpapatuloy ni Guanzon ang adbokasiya para sa electoral reforms kasama ang kilusang masa.

About Rose Novenario

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …