Friday , June 2 2023
Sa Bocaue, Bulacan TRABAHADOR ARESTADO SA HOSTAGE-TAKING Micka Bautista

Sa Bocaue, Bulacan
TRABAHADOR ARESTADO SA HOSTAGE-TAKING

ISANG ORAS muna bago tuluyang napigilan ang pagwawala ng isang lalaki kasunod ng pangho-hostage sa isang babae matapos masukol ng nagrespondeng mga awtoridad sa bayan ng Bocaue, lalawigan ng Bulacan, nitong Lunes ng umaga, 31 Enero.

Sa ulat mula kay P/Lt. Col. Ronnie Pascua, hepe ng Bocaue Municipal Police Station (MPS), kinilala ang suspek na si alyas Loloy, trabahador sa Ayroso Hardware sa Brgy. Biñang 2nd, sa naturang bayan, samantala ang biktima ay kinilalang si Irma Blas, na kasamahan niyang tindera sa trabaho.

Ayon sa konsehal ng barangay na si Rico Navarro, unang nagresponde kasama ang barangay chairman na si Yboyh del Rosario at hepe ng tanod na si Noel Nicolas, dakong 9:30 am nang magwala si alyas Loloy at ini-hostage ang biktima gamit ang isang matalas na spatula na gamit sa hardware.

Nagkaroon ng ilang minutong negosasyon hanggang makalingat ang suspek at bigla siyang sinunggaban ng mismong may-ari ng hardware na si Patrick Ayroso.

Nakawala ang biktima sa ngunit nagpambuno sina Ayroso at alyas Loloy na noon ay iwinawasiwas ang hawak na spatula kaya sugatan din si Ayroso.

Dito sumugod si Nicolas at sa tulong niya ay tuluyang napigilan at nagapi sa pagwawala ang suspek.

Dahil sa maagap na pagresponde ng mga kinauukulan, ang hostage taking ay tumagal lamang ng halos isang oras.

Napag-alamang dumaranas ng matinding depresyon na humantong sa pangho-hostage si alyas Loloy na kasalukuyang nasa kustodiya ng Bocaue MPS bago isalang sa pagsusuri ng psychiatrist. (MICKA BAUTISTA)

About Micka Bautista

Check Also

P900-M smuggled goods nakompiska sa Bulacan

P900-M smuggled goods nakompiska sa Bulacan

NAKUMPISKA ng magkasanib na mga operatiba na pinangunahan ng Bureau of Customs ang mga pinaghihinalaang …

arrest, posas, fingerprints

2 estapador tiklo sa oplan pagtugis ng CIDG

Dalawang indibiduwal na sangkot sa paglabag sa BP 22 ang naaresto sa Oplan Pagtugis na …

Cellphone sumabog, rider kritikal

Cellphone sumabog, rider kritikal

Nasa kritikal na kundisyon ngayon ang isang delivery rider sa San Jose Del Monte City, …

teacher

Sentimyento ng mga guro pakinggan
MOTHER TONGUE POLICY NG DEPED REPASUHIN– SENADOR

HINIMOK  ni Senador Win Gatchalian ang Department of Education (DepEd) na pakinggan ang mga guro sa …

Estate Tax

Pagpapalawig sa amnestiya sa pagbabayad ng estate tax pasado na sa senado

PINASA na ng senado sa third at final reading ang panukalang batas na pagpapalawig sa …