Friday , May 27 2022

Nakikialam sa DQ case ni Marcos,
‘SENADOR’ IBINUKING NI GUANZON KAY SOTTO

020122 Hataw Frontpage

ni Rose Novenario

KILALA na ni Senate President Vicente “Tito” Sotto III ang sinasabi ni Commission on Elections (Comelec) Commissioner Rowena Guanzon na nakikialam para maantala ang desisyon sa disqualification (DQ) case laban sa anak ng diktador at Partido Federal ng Pilipinas (PFP) presidential aspirant Ferdinand “Bongbong”Marcos, Jr.

Ayon kay Sotto, isiniwalat sa kanya ni Guanzon ang pangalan ng senador na umano’y nag-iimpluwensiya kay Comelec Commissioner Aimee Ferolino na iantala ang paglalabas ng resolusyon sa DQ case ni Marcos, Jr.

Hindi muna papangalanan ni Sotto ang senador at ipinauubaya kay Guanzon ang paghahayag nito sa publiko.

Nauna nang sinabi ni Sotto na kapag may ebidensiya ay hihilingin niya sa Ethics Committee na busisiin ang isyu.

“Commissioner Ferolino talks to only one senator. The one who recommended her. She’s very close to a senator who recommended her –– in fact, who delivered a very long speech praising her to high heavens to the Commission on Appointments,” ani Guanzon sa panayam sa The Chiefs kamakailan.

Inihayag ni Guanzon kahapon, mas makapangyarihan sa kanya ang senador at sinasabing malapit kay Pangulong Rodrigo Duterte.

Tutukuyin niya ang senador kapag nagretiro na siya at kapag siguradong iimbestigahan ng Senado.

“I want an assurance that when I mention the name, the Senate will investigate. I’m not going to mention the name and then nothing will happen. He is more powerful than me and he claims to be closer to the President. You wait for me to retire, when I’m no longer under your jurisdiction,” ani Guanzon.

Naniniwala si Bagong Alyansang Makabayan (Bayan) secretary-general Renato Reyes, Jr., maliban sa Senado ay dapat din imbestigahan ng Department of Justice (DOJ) ang alegasyon ni Guanzon dahil makaaapekto ito sa kredibilidad at integridad ng 2022 elections.

“The identity should be revealed and the Senate should investigate. Even the DOJ should investigate. This is a serious allegation that undermines the credibility and integrity of the 2022 elections,” sabi ni Reyes.

“Ano pa kaya ang kayang impluwensiyahan ng politikong ito? Paano mapapanatag ang mga botante kapag may ganyang ganap?”dagdag niya.

Batay sa isinapubliko ni Guanzon na pagpabor sa DQ case ni Marcos, Jr., naniniwala siyang kumikilos ang anak ng diktador na parang walang bisa ang batas sa kanya.

May undisputed facts aniya ang kaso na maging ang kampo ni Marcos, Jr., ay hindi pinasubalian.

Nahatulan aniya si Marcos, Jr., sa isang “crime of moral turpitude” bunsod ng hindi pagbabayad ng kanyang income tax returns (ITRs) mula 1982 hanggang 1985, habang Pangulo ng Filipinas ang kanyang ama.

Ito aniya ay nagpakita ng “serious defect in one’s moral fiber.”

Inutusan aniya si Marcos, Jr., ng regional trial court at Court of Appeals na magbayad ng deficiency income taxes with interest.

Wala aniyang binayarang multa sa korte si Marcos, Jr., at inamin ito ng kampo ng anak ng diktador.

Kombinsido si Guanzon na ang ginawang paglabag sa batas ni Marcos ay isang crime of moral turpitude na batayan sa diskalipaksyon alinsunod sa Omnibus Election Code.

Bukas nakatakdang magretiro si Guanzon at kapag hindi pa rin inilabas ni Ferolino ang resolution sa DQ case ni Marcos, Jr., hindi na mabibilang ang opinyon ni Guanzon sa desisyon.

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …