Friday , May 27 2022
knife saksak

Sa Romblon
INA, 2 ANAK MINASAKER SUSPEK ARESTADO

NASAKOTE ng mga awtoridad nitong Biyernes, 28 Enero, ang isa sa mga suspek sa pamamaslang sa isang ina at kaniyang dalawang anak sa kanilang bahay sa bayan ng San Jose, lalawigan ng Romblon.

Noong Miyerkoles, 26 Enero, natagpuan ang walang buhay at tadtad ng mga saksak na katawan ng mga biktimang kinilalang sina Wielyn Mendoza, 29 anyos, single mother, at kaniyang mga anak na sina TJ at JB, siyam at pitong taong gulang, sa kanilang bahay sa Sitio Upper Hinuluga, Brgy. Poblacion, sa nabanggit na bayan.

Nadakip dakong 6:00 pm noong Biyernes, ang isa sa apat na persons of interest, kinilalang si Patrick Cahilig, 35 anyos, matapos ituro ng saksing si Charlie Seraspi.

Ayon sa pulisya sa kanilang naunang ulat, nagpunta umano ang mga biktima sa birthday party ng kanilang kapitbahay noong Martes, 25 Enero, at umuwi kasama si Seraspi, isang kamag-anak, saka natulog sa hiwalay na kuwarto sa loob ng bahay ni Mendoza.

Bandang 1:00 am noong Miyerkoles, nagising umano si Seraspi sa tunog ng kadena saka niya nakita ang suspek na si Cahilig na lumalabas ng bahay saka muling natulog.

Dagdag ng pulisya, nakilala ni Seraspi si Cahilig dahil live-in partner umano ang suspek ng kaniyang ina.

Dakong 8:00 am nang gisingin ng mga kapatid ng biktimang sina Warlito at Wilbert Mendoza si Seraspi at sinabi sa kaniyang patay na ang mag-iina.

Ayon kay P/Maj. Loreto Maulion, hepe ng MIMAROPA Police PIO, hindi umamin ang suspek sa krimen kaya hindi pa nila matukoy ang motibo sa likod ng pamamaslang.

Nakasaad sa ulat ng San Jose police, kasama sa mga nag-aayos ng bahay ni Wielyn ang suspek na tinanggal sa trabaho sa hindi malamang dahilan.

Kasalukuyang nasa kustodiya ng pulisya ang suspek habang inihahanda ang mga dokumento para sa inquest proceedings sa provincial prosecutor sa bayan ng Odiongan para sa tatlong bilang ng kasong murder.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …