HATAW! D'yaryo ng Bayan hatawtabloid.com
NASA P119,000 halaga ang nakompiskang hinihinalang shabu sa magkakahiwalay na operasyon sa southern Metro Manila, nitong Biyernes at Sabado.
Dakong 8:35 pm nitong ng Biyernes, 28 Enero, nang madakip ang dalawang suspek na kinilalang sina Ben Reyes, alyas Dong, 29 anyos, ng Cavite City, at Marilou Español, 45 anyos, ng Pasay City sa isinagawang buy bust operation sa panulukan ng 2166 Taft Ave., at G. Villanueva St., Brgy. 52, Pasay City.
Nakuha sa dalawang suspek ng mga operatiba ng Pasay Drug Enforcement Unit (DEU) ang 2.7 gramo ng shabu na may standard drug priice na P18,360.
Biyernes dakong 9:05 pm sa Block 141 Lot 1, Solomon St., Upper Bicutan, Taguig City, nahuli ng mga operatiba ng SPD at Taguig City Police Sub-station 7 ang suspek na si Dumayag Alih, 31 anyos, nakompiskahan ng 12 gramo ng hinihinalang shabu, may P81, 600 SDP, P500 buy bust money at isang Rifle grenade at ammo na M203 Rifle Grenade.
Dakong 2:00 m, sa Saint Theresa St., Brgy. 179, Pasay City nitong Sabado, 29 Enero nang mahuli ng DEU Pasay Police ang suspek na si Arnold de Asis, alyas Idol Liit, 38 anyos, nakumpiskahan ng 2.8 gramo ng shabu, may P19,040 SDP. (GINA GARCIA)
