Wednesday , July 24 2024

PM Vargas, naglunsad ng Red Cross bakuna bus sa QC

ISANG mobile vaccination drive ang inilunsad sa Quezon City District 5 ng konsehal at congressional candidate na si Patrick Michael “PM” Vargas sa kanyang kaarawan noong Huwebes sa ilalim ng proyektong “Bakuna Bus” ng Philippine Red Cross (PRC).

Layunin ni Vargas na makaabot ang serbisyong ito sa mga lugar kung saan marami pa ang mga hindi nababakunahan lalo ngayong muli na namang tumaas ang bilang ng mga nagpositibo sa CoVid-19.

Ito ay bunsod ng maigting na suporta na ibinibigay ng Philippine Red Cross chairman at Chief Executive Officer (CEO), Senator Richard Gordon kay Councilor PM Vargas na siya namang Red Cross QC Novaliches Branch Council chairman.

Isa ang programang medikal sa mga tinututukan ni Vargas sa kanyang plataporma.

Kasama rito ang pamamahagi ng vitamins at anti-CoVid-19 kits sa iba’t ibang barangay sa District 5.

Ngayong Biyernes mismo ay naglunsad si Vargas ng bloodletting activity na isang proyekto sa ilalim ng PRC.

Hindi ito ang unang beses na naglunsad ng programang medikal si Vargas sa tulong ni Sen. Gordon.

Noong nakaraang taon, namahagi si Vargas ng food packs mula sa Red Cross Food Truck sa Brgy. San Agustin sa Quezon City sa pakikipagtulungan ng PRC at Red Cross Novaliches para matugunan ang agarang pangangailangan ng mga tao, lalo na ang persons with disability (PWD) community sa barangay.

Kaugnay ito ng programang Red Cross CoVid-19 Emergency Response kung saan nagtalaga ang kampo ni Vargas sa tulong at gabay ni Sen. Gordon ng CoVid-19 emergency tents at handwashing stations sa Novaliches District Hospital.

Nagsagawa rin sila ng mga medical mission sa Novaliches na naglalayong magbigay ng libreng serbisyo gaya ng konsultasyon sa doktor, ECG, X-ray, pagbibigay ng gamot.

Hindi rin nawawala ang bloodletting activity na pinakakilalang programa ng PRC.

            Isa sa pinakamalaking proyekto ni Vargas sa ilalim ng PRC ang Red Cross Multipurpose Cash Grant kung saan daan-daang pamilya ng District 5 ang nabahagian ng ayuda.

Lubos ang pasasalamat ni Vargas kay Gordon dahil sa walang sawa nitong paggabay, pati na sa palagian nitong pagsuporta sa weekly online raffle para sa mga residente ng District 5 sa Quezon City.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …