Monday , October 2 2023
Jillian Ward

Book 2 ng Prima Donnas, mas maraming pasabog ayon kay Jillian Ward

ALAM MO NA!
ni Nonie Nicasio

SA gitna uncertainty na dulot ng pandemya, ang top rating TV series na Prima Donnas ay nagbabalik upang maghatid ng mga mas kapana-panabik na mga eksena na tutukan ng mga suking televiewers nito.

Dito’y nagbabalik ang teen stars na sina Jillian Ward, Althea Ablan, at Sofia Pablo bilang sina Donna Marie, Donna Belle, at Donna Lyn.

Nang aming nakahuntahan si Jillian, nabanggit niya kung ano ang dapat asahan sa kanilang nagbabalik na serye.

Lahad ng magandang Kapuso teen star, “Mas maraming pasabog and twists po itong Book 2 ng Prima Donnas.

“Dapat abangan po nila dahil may mga bagong characters na papasok dito. Abangan din po nila kung ano ang gagawin ni Mayi para ipaglaban ang mga kapatid nya at kung paano po lalabanan ni Mayi ang mga challenges na darating sa buhay nya,” sambit pa ni Jillian hinggil sa ginagampanang karakter.

Ang character ba niya sa Book-2, may changes na makikita ang manonood?

Esplika ni Jillian, “Si Mayi po kasi, siya po yung pinakamabait, pinakamapag-alaga sa magkakapatid, and sabi nga po ni direk Gina Alajar, si Mayi po, ‘Very pure-hearted,’ siya.

“Pero siyempre po, may mga bagong challenges na darating sa buhay niya. Abangan po nila kung paano maaapektuhan si Mayi sa mga nakakagulat na twists na mapapanood sa Prima Donnas.”

Ano ang pinagkakaabalahan niya ngayon?

Aniya, “Well, kasi po ay katatapos lang po ng three month long lock-in taping namin sa seryeng ito, so, sa ngayon po ay nagpapahinga lang muna ako sa bahay. Nagpa-practice rin po ako ng mga kanta and sayaw, para sa 2022 po, recharged and ready po ako.”

Nagsimula nang umerer ang Prima Donnas Season 2 last week sa GMA Afternoon Prime. Bukod kay Direk Gina, direktor din dito si Philip Lazaro.

Tampok din sa serye sina Aiko Melendez, Katrina Halili, James Blanco, Benjie Paras, Elijah Alejo, Miggs Cuaderno, Will Ashley, Vince Crisostomo, Bruce Roeland, Allen Ansay, Sheryl Cruz, Chanda Romero, Angelika Santiago, at Wendell Ramos.

About Nonie Nicasio

Check Also

Joey de Leon

E.A.T, Joey mabilis na humingi ng paumanhin; Showtime deadma

HATAWANni Ed de Leon MATAPOS punahin ng mga tao ang isang joke ni Joey de Leon at …

Kids Toy Kingdom show

Kathryn, Bitoy, at Barbie, wish maging guest sa Kids Toy Kingdom Show ng mga host nito 

ALAM MO NA!ni Nonie Nicasio AARANGKADA na ngayong Sabado (Sept. 30) ang Kids Toy Kingdom Show (Season 2) at ipinahayag ng …

Angelika Santiago

Angelika Santiago, waging Young CEO of The Year at Female Best Dressed sa 3rd Diamond Excellence Awards

ALAM MO NA!ni Nonie Nicasio SOBRA ang kagalakan ng Kapuso actress na si Angelika Santiago …

Gabby Concepcion David Licauco

Gabby at David bibida sa isang charity show

MATABILni John Fontanilla ISANG napakalaking show ang magaganap sa kaarawan ng kaibigang Genesis Gallios sa Newport Performing …

Nadine Lustre

Nadine trending ang pagtu-two piece sa IG

MATABILni John Fontanilla TRENDING sa social media si Nadine Lustre nang mag-post ito sa kanyang Instagram, @nadine ng mga …