Friday , May 27 2022
Menardo Guevarra DOJ BuCor

Nagsumbong sa Malacañang
GUEVARRA DESMAYADO SA KARAHASAN SA BUCOR

MATAGAL nang desmayado si Justice Secretary Menardo Guevarra sa mga karahasang nagaganap sa Bureau of Corrections (BuCor) pero tali ang kanyang mga kamay para tuldukan ito.

Ayon kay Guevarra, hindi na sakop ng DOJ ang pagpapataw ng disciplinary action sa mga pabayang opisyal ng BuCor.

Napaulat na tatlong detenido ng NBP ang nakatakas kamakalawa, dalawa sa kanila’y napatay habang ang isang nakapuga nang buhay ay si Drakilou Falcon, may kasong robbery with homicide.

Kahapon, napag-alaman, may isa pang bilanggo ang nawawala, si Candas Ablas na may kasong robbery with homicide.

May pabuyang P100,000 sa sinomang makapagbibigay ng impormasyon sa kinaroroonan nina Ablas at Falcon.

Sa panayam sa programang Ted Failon at DJ Cha-cha sa Radyo Singko kahapon, inihayag ni Guevarra na ipinarating na niya sa Malacañang ang pagkadesmaya sa mga nagaganap na karahasan sa BuCor.

“Ini-report ko rin ito sa Office of the President, sinabi ko na matagal na rin akong disappointed sa mga nangyayari sa Bureau of Corrections dahil nga sa mga ganyang violent incidents,” anang kalihim.

Gusto umano ng DOJ na patawan ng parusa ang mga nagpabayang BuCor personnel pero matagal na silang walang kontrol sa kawanihan at hanggang rekomendasyon na lamang kay Pangulong Rodrigo Duterte hinggil sa nangyari ang puwede nilang gawin.

“Dati ang DOJ ay may control over the Bureau of Corrections pero noong magkaroon ng BuCor Law noong 2013, kung ‘di ako nagkakamali, ay naging general supervision na lamang ang role ng DOJ. Kaya ‘yang disciplinary action against negligent officials, napunta na ‘yan sa balikat ng mga appointing authority, kaya’t inire-recommend ko nga sa Malacañang na lapatan ng kaukulang administrative sanctions ‘yang mga nagpapabaya sa tungkulin,” ani Guevarra.

Gayonman, inutusan ni Guevarra ang National Bureau of Investigation (NBI) na imbestigahan ang naganap na pagpuga at mga riot sa BuCor. (ROSE NOVENARIO)

About Rose Novenario

Check Also

Sa Cabanatuan, Nueva Ecija
KILABOT NA KAWATAN, SWAK SA SELDA

Sa pagpapatuloy ng kampanya laban sa mga kriminal na pinaghahanap ng batas, nadakip ng mga …

“Sambigkis Laban sa Kriminilidad” inilunsad sa Laguna

“Sambigkis Laban sa Kriminilidad” inilunsad sa Laguna

Pomal na inilunsad nitong Martes nga hapon, 24 Mayo, ang Sambigkis Advocacy Support Group kasabay …

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

7 illegal E-sabong, naipasara na — DILG

Naipasara na ang pitong e-sabong websites na ilegal na nag-o-operate, matapos ipag-utos ni Department of …

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …