Friday , July 19 2024
money Covid-19 vaccine

Saan napunta?
P70.92-B INUTANG NG PH PAMBILI NG BAKUNA

ni ROSE NOVENARIO

UMABOT sa P70,92 bilyon ang inutang ng administrasyong Duterte mula sa apat na international financial institutions para ipambili ng bakuna kontra CoVid-19.

Inihayag ito ng grupong Bantay Bakuna, isang alyansang multi-sektoral para sa komprehensibo, pantay, makatao at transparent na CoVid-19 vaccine roll-out.

Naitala ng Vaccine Supply Tracker ng grupo na hanggang noong 9 Enero 2022 ay nangutang ang gobyerno para ipambili ng CoVid-19 vaccine mula sa World Bank ng P24.2 bilyon, Asian Infrastructure Investment Bank ng P14.57 bilyon, at Asian Development Bank (ADB) ng P12.7 bilyon.

Habang ang kabuuang supply ng bakuna na natanggap simula Pebrero 2021 hanggang 9 Enero 2022 ay 213,487,520 vaccine dosis.

Kabuuang bilang ng mga nabakunahan hanggang 15 Enero 2022 (1st, 2nd and booster dose): 118,624,466 vaccine dosis.

Tinatayang may natitirang 94,863,054 vaccine dosis.

Sa kanyang ulat kay Pangulong Rodrigo Duterte noong 22 Disyembre 2022, sinabi ni vaccine czar Carlito Galvez, Jr., 70 milyon dosis na lamang ang binili ng pamahalaan mula sa naunang planong 90 milyong dosis.

Umabot aniya sa 63.5 milyong dosis ang donasyon sa Filipinas mula sa CoVid-19 Vaccines Global Access (COVAX) Facility bukod pa sa 10.2 milyong dosis na ibinigay ng US government.

Ang iba pa aniyang donasyon ay mula sa The Netherlands, European Union, France, United Kingdom, Syria, Poland, Germany, at China.

Hanggang sa kanyang ulat kagabi sa Talk to the People, walang binanggit si Galvez na kuwentada kung magkano na ang ginugol ng gobyerno para ipambili ng bakuna.

Base sa COVID-19 Vaccination Tracker  ng Bantay Bakuna, hanggang noong 15 Enero 2022 may 55,093,311 Filipino fully vaccinated o ang nakatanggap ng ikalawang dose ng bakuna o 49.99% ng populasyon.

Target ng gobyerno para sa herd immunity: 70% (77 milyong Filipino) hanggang 90% (99 milyong Filipino) ng populasyon.

Kasalukuyang rate ng pagbabakuna (7-day average) ay may 806,954 bakuna kada araw.

Kinakailangang rate ng pagbabakuna para maabot ang target ng gobyerno sa Pebrero 2022 ay 822,686 bakuna kada araw

Kung magpapatuloy ang kasalukuyang takbo ng pagbabakuna, aabutin ng isang buwan para maabot ang target na mabakunahan ang 70% ng populasyon o 77 milyong Filipino.

            Hanggang tatlong buwan naman para maabot ang target na mabakunahan ang 90% ng populasyon o 99 milyong Filipino.

Sinabi ni Galvez sa Talk to the People kagabi, 4.7 milyong Pinoy pa lang ang nakatanggap ng booster shots o may average na 267,900 dosis kada araw.

Mababa aniya ito kaya’t kailangan paspasan upang maabot ang output na 500,000 kada araw para makamit ang target na 72.16 milyon booster doses ngayong taon.

About Rose Novenario

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …