Friday , March 29 2024
Phoebe Walker The Buy Bust Queen

Phoebe Walker, proud sa pelikulang The Buy Bust Queen

ALAM MO NA!
ni Nonie Nicasio

TAMPOK sa pelikulang The Buy Bust Queen si Phoebe Walker. Ngayong January na ito mapapanood sa mga sinehan.

Bukod kay Phoebe, kasama rin sa The Buy Bust Queen sina Ritz Azul, Maxine Medina, Ervic Vijandre, Alex Medina, Jeric Raval, Jeffrey Santos, Christian Vasquez, Dindo Arroyo, Ricardo Cepeda, Ayeesha Cervantes, at iba pa.

Ito ay mula sa pamamahala ni Direk JR Olinares.

Inusisa namin ang aktres kung anong klaseng training ang pinagdaanan niya sa paggawa ng pelikulang ito.

Aniya, “Nag-gun handling po kami bago ang shoot, pati mga formation kung paano pumapasok sa target location and how we cover each other’s back. Kasama po naming mga artista talaga ay mga totoong PDEA agents, kaya very legitimate ‘yung movements namin as a unit.”

Mas matindi pa raw ang ginawa niyang preparasyon sa pinagbibidahang pelikula, kompara nang nang-guest siya sa serye ni Coco Martin na FPJ’s Ang Probinsyano.

Esplika ni Phoebe, “Mas intense po ang experience ko rito, hehehe. Kasi siyempre, main part ako ng story, halos all the scenes kasali ako. Nakakapagod pero sobrang fulfilling talaga siya.

“Hard action… barilan, habulan, all geared-up kami and totoong mga rifle ang gamit namin, kaya tumatakbo kaming more or less 10kg ang bitbit.

“Pero ang perspective ko kasi, ako ang nakikisama sa PDEA, privilege ko ‘yun na ma-experience ang ginagawa nila araw-araw. Nakabibilib po,” bulalas pa ni Phoebe.

Paano niya ide-describe ang pelikula? Isa ba itong advocacy movie sa campaign ng PDEA kontra droga?

Tugon ng magandang aktres, “Yes po, in partnership with PDEA, lalabas din sa movie si PDEA Dir. Gen. Wilkins Villanueva. Ipapakita po rito kung paano nagke-carry out ng operation ang PDEA at ano ang core values ng agency.

“Abangan n’yo po itong aming pelikula dahil ito po ay punong-puno ng aksiyon at aral.

“Siyempre, may love story din sa gitna po nitong movie,” nakangiting wika ni Phoebe.

“Ang love interests ko po ay sina Ervic Vijandre and Alex Medina, ‘Ika nga may pag-ibig sa PDEA, hahaha!” nakatawang saad niya.

Pahabol pa niya, “Inside joke po sa PDEA kasi, may nagkakatuluyan daw talagang agents.”

Anong klaseng excitement ang na-feel niya nang nalamang siya ang magbibida rito?

Sagot ng aktres, “Excitement na may kasamang kaba at anxiety nga po, e, hahaha! Dahil unexpected, pero happy ako dahil sa movie na Double Barrel na-inject ako sa mundo ng action. Tapos nakasali rin ako sa seryeng Ang Probinsyano, kaya feel ko kahit paano may credibility na akong mag-action, hahaha!”

Nabanggit din niya kung gaano siya ka-proud sa pelikulang The Buy Bust Queen.

“Sobrang proud po ako sa movie namin dahil maraming nagsanib-puwersa to make this movie a reality. Supported din po ito by PRRD, sana ‘di maudlot pero pupunta raw po siya sa premiere night, maybe by the end of this month,” nakangiting saad ni Phoebe.

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …