Thursday , May 26 2022

Dalagita ginawang sex slave ng ka-chat

ni Almar Danguilan

Nasagip ang 14-anyos na dalagita na dinukot at ginawang ‘sex slave’ ng ka-chat sa Facebook sa loob ng 10-araw sa tahanan nito sa Quezon City, nitong Lunes ng gabi. 

Ang suspek na nadakip ay nakilalang si Jerald Avenilla Porqueriño, 21, walang trabaho, tubong Mauban, Quezon Province at naninirahan sa Kamias Road kanto ng Maliksi St., Brgy. Pinyahan, Quezon City.

Sa report ng Kamuning Police Station 10 ng Quezon City Police District (QCPD), bandang 2:00 ng hapon (January 1) nang dukutin ang biktima sa Purok 6, Brgy. Tabacao, Talavera, Nueva Ecija at dinala ng suspek sa kaniyang tahanan sa nasabing barangay.

Batay sa imbestigasyon ni PMSg Virginia B Balberona ng Women and Children Protection Desk ng PS 10, ang biktima at ang suspect ay magka-chat sa Facebook Messenger simula pa noong December 24, 2021. 

Sa pamamagitan ng text messages ay nakumbinsi ng suspek ang biktima na magkita sila sa Brgy. Tabacao, Talavera, Nueva Ecija. 

Nang magkita ang dalawa ay dinala ni Porqueriño ang dalagita sa bahay ng kaniyang kaibigan sa Brgy. San Jose, Nueva Ecija at nanatili sila doon ng mahigit 20 oras.

Dahil dito, nagpasya ang dalagita na umuwi na pero puwersahan siyang isinakay ng suspek sa Baliwag Transit patungong Maynila at dinala sa kaniyang tahanan kung saan ito paulit-ulit na pinagsamantalahan hanggang January 10.

Nang makakuha ng pagkakataon ang biktima ay kinontak niya ang kaniyang mga magulang na agad namang lumuwas ng Maynila, at humingi ng saklolo sa mga opisyal ng Brgy. West Kamias na nagresulta sa pagkakaaresto ng suspek.

Inihahanda na ang kasong paglabag sa R.A. 8353, R.A. 7610 at Forcible Abduction laban sa suspek.

About Almar Danguilan

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …