BF ni Nadine tanggap ng pamilya Lustre

MATABIL
ni John Fontanilla

KASAMA ng pamilya Lustre sa kanilang  New Year’s Celebration ang napapabalitang BF ni Nadine Lustre, si Christophe Bariou, Mismong ang daddy ni Nadine na si Tito Ulysses o Tito Dong kung aking tawagin ang nag-post nito sa kanyang FB account.

Kaya naman marami ang nag-iisip na mukhang aprobado kay Tito Dong si Christophe at tanggap na ito ng pamilya Lustre.

Kasama sa larawan ang buong pamilya ni Nadine—ang kanyang Daddy Dong, Mommy My, at ang dalawang kapatid na may caption na, “Goodbye 21. Hello 22. Happy New Year!” 

Marami nga ang nagsasabi na bagay na bagay sina Nadine at Christophe, pero marami pa rin maman ang umaasa na muling magkakabalikan si Nadine at James Reid .