MATABIL
ni John Fontanilla
MARAMI ang nagulat sa biglang pagpapakasal ng Starstruck Batch 6 Ultimate Male Survivor na si Migo Adecer sa kanyang non-showbiz girlfriend na si Katrina Mercado last December 30, 2021 sa Hong Kong.
Ibinahagi nina Migo at Katrina sa kanilang Instagram ang mga larawang kuha sa kanilang kasal kasama ang ilang miyembro ng kanilang pamilya sa isang yate sa Hongkong, na roon din ginawa ang reception.
Maraming TV show nang nagawa si Migo tulad ng The One That Got Away, My Love From the Star, Ika-5 Utos, Project Destination, Sahaya, My Fantastic Pag-Ibig, at Anak ni Waray vs. Anak ni Biday.
Bahagi rin siya ng gag show ng NET25, ang Quizon CT na aarangkada na.
Ang Quizon CT o Quizon Comedy Theater’ ang pinakabagong gag show ng NET25 na punompuno ng mga nakatatawa at nakaaaliw na jokes at punchlines, na aarangkada na sa January 9, 2022, at mapapanood tuwing Linggo, 8:00 p.m..
Literal na pinagsama ang ‘laugh’ at ‘trip’ sa comedy show na ito na tiyak na kagigiliwan ng mga Pinoy.
Pinagbibidahan ito ng mga anak ni King of Comedy Dolphy, na sina Eric, Epi, at Vandolph Quizon.
Kabilang din sa main cast ng programa ang misis ni Vandolph na si Jenny Quizon. Tampok din dito sina Martin Escudero, Bearwin Meily, Gene Padilla, Garry Lim, Tanya, Charuth, at Billie Hakenson.
Ang Quizon CT ay idinidirehe nina Eric at Epi.
