Friday , February 3 2023
Mathew Wright

Wright maglalaro na rin sa Japan

UNTI-UNTI ang ginaga­wang panunulot ng Japan B. League sa maga­galing na  Pinoy basketball players. Matunog ang balitang si Matthew Wright naman ang target nilang masungkit  sa susunod na taon.

Balitang inaalok si Wright ng maximum na kontrata pagkatapos mapaso ang kontrata niya sa Phoenix Super LPG sa Agosto 2022. Tiyempong ito ang pag­sisimula ng bagong season ng Japan B. League.

Sa kasalukuyan ay gumagawa ng paraan ang pamunuan ng Phoenix  na makombinsi ang tikador para mag-extend ng kon­tra­ta pero tipong malabo nang mangyari iyon.

Ayon sa pahayag ni Paolo Bugia, ang team manager ng Phoenix, kinakausap na niya ang manager ni Wright para sa posibilidad ng ekstensiyon pero mukhang suntok sa buwan iyon dahil imposibleng matapatan ng team ang higanteng offer kay Wright ng Japan B. League.

Pahayag ng sources, tumataginting na $30,000 kada buwan ang alok kay Wright, tatlong doble iyon ng tinatanggap niya sa PBA.

Masaya si Blackwater head coach Ariel Vanguardia na siyang responsable sa pag-recruit kay Wright mula sa St. Bonaventure Unversity sa US.

Ayon kay Vanguardia, malaki ang iniangat  ng laro ni Wright sa kasalukuyan.  Hindi lang siya scorer ng team, naging mature siya bilang pangunahing man­la­laro ng koponan.

Naniniwala si Vanguar­dia na sisikat ang kanyang protégé sa Japan.

Maging si Meralco Bolts assistant coach Charles Tiu, naging coach ni Wright sa Mighty Sports ay nag­sabing malayo ang mara­rating ng dati niyang manlalaro sa Japan B. League dahil sa taglay nitong kababaang loob at isang palaban na man­lalaro.

About hataw tabloid

Check Also

Casares, Alcoseba nanguna sa National Age Group Triathlon Series

Casares, Alcoseba nanguna sa National Age Group Triathlon Series

OLONGAPO – Ipinamalas ng Filipino-Spanish na si Fernando Jose Casares ang kanyang tibay, lakas at …

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …