Sunday , May 19 2024
MMDA, NCR, Metro Manila

Alert level 3 ngayon sa Metro Manila

SIMULA ngayong araw ng Lunes, 3 Enero 2022, ipatutupad ng Metropolitan Manila Development Authority (MMDA) ang Alert Level 3 sa buong Kalakhang Maynila dahil sa pagdami ng CoVid-19 cases kabilang ang Omicron variant.

Sa pahayag ng MMDA, sinabing mataas kaso ng CoVid-19 kada araw, at nitong nakaraang linggo ay nasa 783 porsiyento at hindi pa malaman kung ito ay Omicron kaya mariing pinag-iingat ang lahat.

Nagkaroon ng pagpupulong ang Metro Manila Council (MMC) na kinabibilangan ng Metro mayors, ang policy making body ng MMDA para sa mobility.

Binanggit ang ilang guidelines para sa pagpapatupad ng Alert level 3.

Hindi pinapayagan ang operasyon para sa  face to face classes, contact sports, fun fares, venues na mayroong  live voice at  instrument performances, casino, gaming establishments,  pagtitipon sa mga tahanan.

Sa pagbiyahe, ang interzonal at  intrazonal travel ay papayagan na mayroong regional restrictions na ipatutupad ng mga LGU at para sa indoor three Cs (closed, closed contact and crowded areas), 30 porsiyento na lang ang papayagan.

Ngunit kung mayroong safety seal, may karagdagan itong 10 porsiyentong kapasidad na papayagan.

Ang 18-anyos kabataan pababa at may comorbidities ay puwede sa mga establisimiyento para sa essential goods.

Para sa Metro Manila Film Festival (MMFF), nabatid na 30 porsiyento lamang ang papayagan sa mga sinehan  hanggang 7 Enero.

Pinag-uusapan din ang papel ng technical working group at ang enhanced vaccination mandate at iba pang polisiya para sa mga bakunadong residente.

Sinabi ni MMDA Chairman Benhur Abalos, Jr., ang ilan sa challenges nito na maraming fake vaccination card, legal, at constitutional issues na dapat aniya’y huwag palagpasin ang pagbibigay ng booster shots sa publiko.

Pag-uusapan rin ng Metro mayors na kailangan higpitan ang establishments na may quarantine facilities dahil malalagay sa balag ng alanganin ang kaligtasan ng komunidad.

Ayon kay Abalos, dapat  parusahan  ang mga  lalabag.

“Ngayong season, we must be prepared with anti- gen test bilang self test. Kung kinakailangan mag-self test. Sapat pa ang contact tracers ng LGUs. Pagpasok ng bagong taon may challenges pero ito ay kakayanin natin,” ayon kay Abalos.

Sa usapin ng public transport, makikipag-coordinate  ang MMDA sa DOTR dahil ipinaalis ang plastic, na aniya’y dapat maisaalang-alang sa safe distancing.

Balik na rin ngayon ang pagpapatupad ng number coding sa mga pangunahing lansangan ng Kalakhang Maynila. (GINA GARCIA)

About Jaja Garcia

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …