Sunday , January 23 2022
Mark Lapid Howard Guintu Lito Lapid Pinuno Partylist

Sen Lito sampalataya sa adhikain ng Pinuno Partylist

SHOWBIZ KONEK
ni Maricris Valdez Nicasio

INAMIN ni Sen. Lito Lapid na siya ang nagbigay ng pangalang Pinuno sa partylist na kanyang sinusuportahan. Pinuno ang bansag kay Sen. Lito sa karakter na ginampanan niya sa FPJ’s Ang Probinsyano na sumikat naman talaga.

Pero nilinaw ng senador na hindi siya ang first nominee nito dahil senador pa rin siya hanggang 2025. Malaki lamang ang simpatya niya at paniniwala sa first nominee nitong si Howard Guintu kaya kaisa siya sa pangangampanya para sa Pinuno Partylist na no 38 sa balota.

Ani  Sen. Lito, naniniwala siya sa magandang layunin ng grupo, ang pabahay para sa mahihirap.

Sinabi rin ni Guintu na layunin nila na mabigyan lahat ng matibay na bahay ang bawat mamamayan na hindi kayang igupo ng bagyo.

At bagamat may ahensiyang nangangasiwa para sa pabahay sa mahihirap, hindi naman daw natutugunan lahat iyon. Kaya naisip nilang bumuo ng partylist na mas mabilis makapagbibigay o agad na tutugon sa pabahay lalo na sa talagang mga nangangailangan sa buong Pilipinas.

Bukod sa pangangampanya sa party-list, abala  rin si Sen. Lito sa shooting ng pelikulang Apag kasama si Coco Martin na idinidirehe ni Brillante Mendoza.

Hindi itinago ng senador ang excitement sa muling paggawa ng pelikula lalo’t si Brillante ang magdidirehe. Matagal na pala kasi niyang pangarap na makatrabaho ang premyadong direktor at sabik na rin siyang magbalik-showbiz.

Sa kabilang banda, iginiit ng senador na marami na siyang naipasang batas hindi lamang nga iyon napapaingay. Ito’y sagot ni Sen. Lito sa mga basher na mababa ang tingin sa tulad niyang artistang Senador.

Anang senador, wala siyang social media account at hindi niya pinapatulan ang mga basher.

Marami namang magagaling na artista na politiko. Siguro, isa ako sa kinukutya dahil hindi naman ako nakapag-aral. Dahil high-school graduate lang ako, ‘di ako marunong mag-Ingles at hindi ako marunong makipag-debate sa mga magagaling dahil puro abogado ‘yun.

Pero kung sa experience, may karapatan naman na ako dahil 30 yrs na akong nanunungkulan bilang public servant.

“Nakakatatlong term na ako sa Senado. Bihira ho ang maka-tatlong term or second term na mananalo ka bilang Senador kung wala kang ginawa na mabuti sa Senado. Malalaman naman ng tao kung may ginagawa ka o wala,” giit ng senador.

Kasama ni Sen. Lito na nag-eendoso kay Guintu ang anak nitong si Mark na sampalataya ring makapaglilingkod ng tapat ang first nominee ng Pinuno Partylist.

About Maricris Valdez Nicasio

Check Also

Blind Item Man Sausage

Aktor na ga-kalingkingan may kakaibang gimmick, bading pa

HATAWANni Ed de Leon KAKAIBA ang gimmick ng isang pa-star na baguhang male star. Nagsa-sideline siya …

DJ Jay Machete Kakai Bautista Sanya Lopez

Kakai Bautista, nang-bash ng DJ dahil sa blind item

ALAM MO NA!ni Nonie Nicasio ANG mga netizens ay napa-sana all lang naman kay Kakai …

Andrea del Rosario Jay Manalo

Andrea del Rosario at Jay Manalo, tampok sa Wish Ko Lang ngayong Sabado

ALAM MO NA!ni Nonie Nicasio NGAYONG Sabado ay tampok sina Andrea del Rosario at Jay …

Miguel Tanfelix puring-puri ang kahusayan sa MPK

RATED Rni Rommel Gonzales MULING ipinamalas ni Miguel Tanfelix ang kanyang husay sa pag-arte bilang si Diego …

Perci Intalan Gameboys The Movie

Direk Perci nanghihinayang screening ng Gameboys The Movie sa Japan ‘di mapupuntahan

PABONGGAHANni Glen P. Sibonga HINAYANG na hinayang si Direk Perci Intalan ng The IdeaFirst Company, producer ng hit film …