Tuesday , February 7 2023
The Headhunter’s Daughter Ang Pagbabalik ng Kwago (Leonor Will Never Die) Sundance Film Festival

Dalawang Pinoy movie pasok sa Sundance Filmfest 2022

DALAWANG pelikulang Filipino ang napili para lumahok sa ika-38 edisyon ng Sundance Film Festival, ang pinakamalaking independent film festival sa US. Isang Filipino feature film at isang short film ang itatanghal sa festival na gaganapin sa Park City, Utah mula Enero 20-30, 2022.

Ang feature film na Ang Pagbabalik ng Kwago (Leonor Will Never Die) ni Martika Escobar ay lalahok sa World Cinema Dramatic section, samantalang ang short film na The Headhunter’s Daughter ni Don Josephus Raphael Eblahan ay sa Shorts Program 4 section. Magkakaroon ng world premiere at onsite delegation ang parehong pelikula.

“The selection of two Filipino films to participate in the Sundance Film Festival, one of the world’s largest and most influential independent film festivals, is already a huge win for Philippine Cinema. We are proud that our country’s delegation to Sundance will be led by two promising independent filmmakers, especially Martika and her film which were part of the Agency’s Full Circle Lab Philippines and CreatePHFilms funding program,” ani FDCP Chairperson at CEO Liza Diño.

Ang pelikulang Ang Pagbabalik ng Kwago (Leonor Will Never Die) ay naging grantee ng CreatePHFilms fund at isa ring alumni ng Full Circle Lab project, na proyekto ng Film Development Council of the Philippines (FDCP). Ang pelikula ay tungkol kay Leonor, isang retired screenwriter na naging bida sa sarili niyang screenplay nang siya ay ma-comatose. Ang delegasyon ng pelikula, kabilang ang direktor nitong si Escobar at mga producer na sina Monster Jimenez at Mario Cornejo ay lilipad papuntang Utah upang pisikal na dumalo sa festival.

Ang The Headhunter’s Daughter naman ay istorya ni Lynn, isang nangangarap na maging country singer. Kasama niya ang kanyang kabayong si July naglakbay pababa mula sa mga kabundukan ng Cordillera upang umabot sa kanyang pinapangarap na audition sa siyudad. Dadalhin siya ng kanyang paglalakbay sa landas na nagtutunggalian ang kanyang katutubong identidad at ang mga hindi nakikitang puwersa ng kolonyal na nakaraan. Dadalo sa festival si director Eblahan kasama ang US-based producer na si Hannah Schierbeek.

Simula pa noong 1978, pinagsasama-sama ng taunang Sundance ang mga artista at manonood mula sa iba’t ibang bahagi ng mundo, itinatampok ang mga istoryang nagpapakita ng mga bagong idea at nagbibigay tinig sa mga orihinal na boses bilang ambag sa independent storytelling.

Ang Sundance Institute ang nag-organisa ng Sundance Film Festival 2022 na idaraos sa hybrid na format.  

About hataw tabloid

Check Also

LA Santos

LA Santos kinilig nang manalo sa 35th PMPC Star Awards for Television

MATABILni John Fontanilla GRABE ang kilig ni LA Santos nang magwagi bilang Best New Male TV Personality …

Bela Padilla Marco Gumabao Spellbound

Bella, Marco parehong mahusay sa Spellbound

MATABILni John Fontanilla BONGGA ang  Pinoy adaptation ng Korean blockbuster film na Spellbound na siyang magiging pre-Valentine …

Robin Padilla Kylie Padilla Gabby Garcia Gina Pareño

Robin wish ni Kylie na mag-guest sa Mga Lihim ni Urduja

COOL JOE!ni Joe Barrameda PUSPUSAN ang taping ng Mga Lihim Ni Urduja na siyang papalit sa Maria Clara …

David Licauco

David Licauco sinuwerte sa Maria Clara at Ibarra

COOL JOE!ni Joe Barrameda SA bagong yugto ng Maria Clara at Ibarra ay napakaganda ng Pastor nila …

LA Santos

LA Santos kaabang-abang ang proyekto kasama si Maricel Soriano

COOL JOE!ni Joe Barrameda TUWANG-TUWA si LA Santos nang tanggapin niya ang Best New Male Artist trophy …