Saturday , February 4 2023

13-anyos ginawang sex slave ng ama

NAGWAKAS  ang 10-buwan pagiging sex slave ng 13-anyos batang babae sa kamay ng sariling ama nang tuluyang madakip ng pulisya ang suspek kamakalawa ng gabi sa Valenzuela City.

Nabatid na nagsimula ang kalbaryo ng Grade 8 student na itinago sa pangalang Shane noong buwan ng Enero ng kasalukuyang taon habang nagtatrabaho bilang overseas Filipino worker (OFW) ang kanyang ina kaya’t ang ama at kanyang tiyahin na kapatid ng ina ang nagsilbi niyang tagapag-alaga.

Simula noon, sa tuwing aalis ang tiyahin ng biktima, pinagsasamantalahan ng suspek ang kanyang anak at ang pinakahuli ay nito lamang Huwebes, 11 Nobyembre, dakong 9:00 pm nang muling gapangin at halayin ng ama ang kanyang anak.

Kinabukasan, 12 Nobyembre, umalis nang walang paalam ang biktima dakong 9:00 pm kaya’t hinanap siya ng kanyang tiyahin na labis na nag-aalala hanggang makausap niya ang kapatid na lalaki na tiyuhin ng bata at sinabing nagsumbong ang pamangkin sa kanyang kinakasama kaugnay sa ginagawang panghahalay ng kanyang sariling ama.

Dahil dito’y puspusan ang ginawa nilang paghahanap sa bata hanggang mamataan nila ang biktima na nagtatago sa isang milk tea store sa Elsewhere St.,  Brgy. Malanday habang walang tigil sa kaiiyak.

Nagkataong nagpapatrolya sa naturang lugar sina P/SMSgt. Roberto Santillan, P/Cpl. Joel Carorocan, at Pat. Frederick Ignacio ng Dalandanan Police Sub-Station-6, sakay ng isang police mobile car, kaya’t humingi sa kanila ng tulong ang tiyahin ng biktima.

Dito ay agad kumilos ang mga pulis nang malaman ang pangyayari na nagresulta sa pagkakadakip sa 34-anyos suspek na hindi muna binanggit ang pangalan upang mapangalagaan ang katauhan ng batang biktima.

Kasong Incestuous Rape in Relation to R.A 7610 ang isinampa nina P/MSgt. Jennifer Delas Nadas at P/Cpl. Nadine Isidro ng Women and Children’s Protection Desk (WCPD) ng Valenzuela police laban sa ama ng biktima sa piskalya ng Valenzuela City. (ROMMEL SALES)

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …