Tuesday , December 7 2021
Isko Moreno, Eduardo Año

DILG chief kumampi kay Isko sa ‘no face shield’ policy

NAKAHANAP ng kakampi si Manila Mayor Francisco “Isko Moreno” sa inilabas na kautusan nitong Lunes na nagsasaad na hindi na mandatory ang pagsusuot ng face shield sa Maynila maliban kung ito’y sa ospital, o klinika.

Sa isang seremonya sa pagdating ng may 2.8 milyong doses ng Sputnik V CoVis-19 vaccine sa Villamor Airbase nitong Lunes ng gabi, sinabi ni Department of the Interior and Local Government (DILG) Secretary Eduardo Año, hindi ‘null and void’ ang kautusan ni Moreno dahil may kapangyarihan aniya siyang gawin ito.

Ayon kay Año, base sa Section 16 ng Local Government Code, ang mga local chief executives ay maaaring maglabas ng ordinansa at executive orders para makapagbigay ng serbisyo at protektahan ang kanilang mga nasasakupan.

Nauna rito, sinabi ni Presidential Spokesperson Atty. Harry Roque na ‘null and void’ ang kautusan ni Moreno na alisin na ang mandatory wearing ng face shield sa Maynila.

“Di naman null and void kasi ang ating mga local government units, the local chief executives, based doon sa ating Local Government Code, specifically Section 16, in order to provide service and protect people, puwede silang mag-enact ng mga ordinansa at executive orders,” paliwanag ni Año.

Unang sinabi ni Año na kahit si Davao City Mayor Sara Duterte-Carpio ay nagpalabas na rin ng kautusan na nag-aalis ng mandatory wearing ng face shields.

Sinabi ni Año, ang vaccination rate sa mga lungsod ng Maynila, Davao, at Iloilo ay mataas na at mababa na rin ang CoVid-19 risk.

“Look at Metro Manila now — Alert Level 2 at low risk na tayo ngayon. So puwede na ‘yang mga ganyan. Actually ikino-consider ‘yan sa IATF kaya lang kinapos lang ng time sa rami ng issues,” dagdag ng DILG chief.

Nanindigan rin si Mayor Isko sa kanyang kautusan at hinamon ang national government na dumulog sa hukuman kung talagang nais nilang ipatigil ito. (ALMAR DANGUILAN)

About Almar Danguilan

Check Also

Barbie Imperial, Diego Loyzaga, AJ Raval

Diego iginiit wala silang dapat ipaliwanag ni Barbie

SHOWBIZ KONEKni Maricris Valdez Nicasio TINAPOS na ni Diego Loyzaga ang usapin patungkol sa kanyang girlfriend na …

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …