Friday , March 29 2024

Belmonte natuwa sa todo-suporta ng Distrito Uno

NAGHAYAG ng kagalakan si Quezon City Mayor Joy Belmonte sa ipinangakong todo-suporta ng Isang Samahang Aasahan (ISA) nitong Linggo, at nangakong susuklian ng tapat at mahusay na pamamahala kung mabibigyan siyang muli ng mandato bilang alkalde ng lungsod na magiging pangalawa niyang termino sa serbisyo publiko.

Binubuo ng mahigit 70 organisasyong nakakalat sa buong Distrito Uno ang pinag-isang samahan na kinabibilangan ng iba’t ibang sektor gaya ng neighborhood association, senior citizens, kabataan, LGBT, transportation, at mga manininda. Ang ISA ay noon pang 2009 naitatag at itinuturing na malaking “influential group” sa panahon ng bawat halaan sa District 1.

Si Jaime Espina ng Barangay Del Monte, namumuno sa Tagumpay ng PIMAGFLOW (Pinagpalang Magkakapitbahay ng Florencia West) at co-founder ng ISA, ang nagsabing “nakakasa na ang suporta” ng kanilang samahan para sa tambalang muli nila Mayor Belmonte at Vice Mayor Gian Sotto.

Sa pagka-kongresista naman ay ibubuhos ng ISA ang kanilang suporta sa kandidatura ni Arjo Atayde (AA) para “maging Congressman ng Distrito Uno.”

Dagdag ni Espina, ang buong “Aksiyon Agad” team na pinangungunahan ni Atayde at anim nilang kandidatong konsehal gaya ni Bernard Herrera, Charm Ferrer, Tani Joe “TJ” Calalay, Doray Delarmente, Olie Belmonte at Sep Juico, ang siguradong isusulat ng kanilang grupo sa mga balota sa halalan sa Mayo 2022.

“Dadalhin at iboboto ng ISA si Atayde, maging ang buong ticket ni Mayor Joy Belmonte sa ilalim ng Serbisyo sa Bayan Party (SBP) kabilang ang ating Vice Mayor Gian Sotto at mga kandidatong konsehal sa District 1,” ang pahayag ni Espina.

Ikinagalak din ni Atayde ang inihayag na suporta ng ISA na may tinatayang lagpas 18,000 kasapi, pawang mga botante at nangakong hindi niya sila bibiguin.

“Pagsisilbihan ko nang tapat ang District 1 ng Quezon City. Hindi ko lolokohin ang mga kababayan natin at ‘di ako magnanakaw,” ang sabi ni Atayde.

Bagamat baguhan sa larangan ng politika, ang “award winning” na aktor ay tahimik na tumutulong na sa Distrito Uno. Nagbigay na siya ng mga sasakyang maaaring gawing “service vehicle” ng mga barangay sa paglatag ng mga programa para labanan ang pandemiyang dulot ng virus na CoVid-19.

Ang pandemiya at mismong karanasan niya na mahawaan ng CoVid-19, ayon kay Atayde, ang nagbunsod sa kanya na lumapit kay Mayor Belmonte para ialay ang sarili upang makatulong sa Distrito Uno.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …